(ភ្នំពេញ)៖ ក្រសួងរ៉ែ និងថាមពល នៅព្រឹកថ្ងៃទី១៩ ខែមីនា ឆ្នាំ២០២១នេះ បានចេញសេចក្តីសម្រេច ស្តីពីការបង្កើតអនុគណៈកម្មាការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌក្រសួង។ នេះបើតាមសេចក្តីសម្រេចដែលបណ្ដាញព័ត៌មាន Fresh News ទទួលបាននៅព្រឹកថ្ងៃទី១៩ ខែមីនានេះ។

ក្នុងសេចក្តីសម្រេចរបស់ក្រសួងរ៉ែ បានឱ្យដឹងទៀតថា អនុគណៈកម្មការចំពោះកិច្ចចាក់វ៉ាក់សាំងកូវីដ-១៩ នេះមានភារកិច្ចដូចតទៅ៖

ទី១៖ ស្រង់ស្ថិតិមន្ត្រីរបស់ក្រសួងដែលស្ម័គ្រចិត្តចាក់វ៉ាក់សាំងកូវីដ-១៩ ដោយរៀបជាលំដាប់អាទិភាព នៃហានិភ័យតាមនាយកដ្ឋាននៃអគ្គនាយកដ្ឋាននីមួយៗ

ទី២៖ លើកសំណើធ្វើប្រតិបត្តិការចាក់វ៉ាក់សាំង ជូនមន្ត្រីតាមលំដាប់អាទិភាព និងអនុលោមទៅតាមការសម្រេច របស់គណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស

ទី៣៖ តាមដាន និងរាយការណ៍ពីវឌ្ឍនភាពការចាក់វ៉ាក់សាំងជាប្រចាំថ្ងៃជូន រដ្ឋមន្ត្រីឱ្យបានទៀងទាត់៕

ខាងក្រោមនេះជាសេចក្តីសម្រេច របស់ក្រសួងរ៉ែ៖