(ភ្នំពេញ)៖ នៅថ្ងៃទី១១ ខែមីនា ឆ្នាំ២០២១នេះ សប្បុរសជនចំនួន៥នាក់ រួមមាន៖ ១-លោក អ៉ឹង ស៉ីវម៉េង, ២-លោក អ៉ឹង ស៉ីវខូវ, ៣-លោក អ៉ឹង ស៉ីវឈន់, កញ្ញា អ៉ឹង ស៉ីវឈីនស៉ី និងកញ្ញា អ៉ឹង ស៉ីវម៉េងស៉ឺ បានប្រកាសសូមបរិច្ចាគថវិកាសរុបចំនួន២៧០០ដុល្លារ ជូនសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ដើម្បីចូលរួមសកម្មភាពទប់ស្កាត់ការរីករាលដាលជំងឺកូវីដ១៩ ក្នុងព្រឹត្តិការណ៍២០កុម្ភៈ។
សូមជម្រាបថា គិតត្រឹមម៉ោង៧៖០០នាទីព្រឹកថ្ងៃទី១១ ខែមីនា ឆ្នាំ២០២១នេះ កម្ពុជាបានរកឃើញអ្នកឆ្លងកូវីដ១៩ សរុបចំនួន ១១៦៣នាក់ ក្នុងនោះអ្នកជាសះស្បើយចំនួន៥៩៧នាក់ និងអ្នកជំងឺ៥៦៥នាក់ កំពុងសម្រាកព្យាបាល។ ដោយឡែកព្រឹត្តិការណ៍២០កុម្ភៈ មានអ្នកឆ្លងកូវីដ១៩ចំនួន៦៥២នាក់៕
