(អូស្ត្រាលី)៖ លោក កុយ គួង ឯកអគ្គរាជទូតខ្មែរ ប្រចាំប្រទេសអូស្រ្តាលី និងណូវែលហ្សេឡង់ និងក្រុមការងារយុវជន ប្រចាំរដ្ឋឃ្វីនស៍ឡែន ប្រទេសអូស្រ្តាលី នៅថ្ងៃទី២៦ ខែកុម្ភៈ ឆ្នាំ២០១៦នេះ បានចុះជួបសំណេះសំណាល និងពិសាអាហារសាមគ្គី ជាមួយនិស្សិតខ្មែរ ដែលកំពុងសិក្សា នៅក្នុងរដ្ឋឃ្វីនស៍ឡែន ប្រទេសអូស្ត្រាលី។
ក្នុងពិធីជួបសំណេះសំណាង និងពិសាអាហារសាមគ្គីនោះ លោក កុយ គួង បានពន្យល់អំពីស្ថានការណ៍នៃការវិវឌ្ឍ រីកចម្រើនរបស់កម្ពុជា លើគ្រប់វិស័យក្រោមការដឹកនាំ របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដោយបានធ្វើឲ្យប្រទេស មានសុខសន្តិភាព ជឿនលឿនរីកចម្រើន។
ជាមួយគ្នានោះ លោក កុយ គួង ក៏បានបញ្ជាក់ថា រាល់ការពន្យារលិខិតឆ្លងដែន ដល់បងប្អូនពលរដ្ឋខ្មែរ និងនិស្សិតខ្មែរ មន្ត្រីទូតនឹងចុះធ្វើដល់ទីកន្លែងរស់នៅ របស់ពួកគាត់តែម្តង ហើយការបំរើរសេវាកម្មរបស់ស្ថានទូត ជូនបងប្អូនដោយមិនគិតថ្លៃនោះទេ៕
