(មណ្ឌលគិរី)៖ នៅរសៀលថ្ងៃទី២៤ ខែកុម្ភៈ ឆ្នាំ២០១៦នេះ ជនជាតិវៀតណាមចំនួន៩នាក់ ម៉ូតូ៧គ្រឿង និងរណាយន្ត៣គ្រឿង ត្រូវបានសមត្ថកិច្ចព្រៃការពារមណ្ឌលគិរី ធ្វើការឃាត់ខ្លួន នៅខាង​ក្រោយ​ប៉ុស្តិ៍​របៀង​ការពារព្រំដែន​ប៉ុស្តិ៍៥ ក្នុងឃុំក្រង់តេះ ស្រុក ពេជ្រាដា ខេត្តមណ្ឌលគិរី។

លោក កែវ សុភគ៌ អនុប្រធានការពារព្រៃមណ្ឌលគិរី បានប្រាប់ Fresh News ថា មន្រ្តីរបស់លោកដឹក​នាំដោយលោកផ្ទាល់ បានធ្វើការឃាត់ខ្លួន​ជនជាតិវៀតណាម​ចំនួន៩នាក់  ហើយបច្ចុប្បន្ន លោកកំពុង​​សុំគោល​ការណ៍ ពីលោកព្រះរាជអាជ្ញា ដើម្បីចាត់ការបន្ត៕