(បន្ទាយមានជ័យ)៖ កម្លាំងនគរបាលខេត្តបន្ទាយមានជ័យ បានចាប់មុខសញ្ញាជួញដូរគ្រឿងញៀនម្នាក់ និងភស្តុតាងគ្រឿងញៀន ប្រភេទម៉ាទឹកក ចំនួន៤កូនថងតូច។ ប្រតិបត្តិការនេះ បានធ្វើឡើងនៅល្ងាចថ្ងៃទី២៣ ខែកុម្ភ: ឆ្នាំ២០១៦ ចំណុចស្ពានតាផាន់ ស្ថិតភូមិក្បាលស្ពាន សង្កាត់ព្រះពន្លា ក្រុងសេរីសោភ័ណ។
លោក ចាប សុផាឬទ្ធិ ស្នងការរងបានឲ្យដឹងនៅថ្ងៃទី២៤ ខែកុម្ភៈ នេះថា ក្រោយពីនគរបាលការិយាល័យប្រឆាំងគ្រឿងញៀនធ្វើការស្រាវជ្រាវ និងកំណត់មុខសញ្ញា រហូតឈានដល់ការឃាត់ខ្លួនបានជនសង្ស័យម្នាក់ និងភស្តុតាងគ្រឿងញៀន ប្រភេទម៉ាទឹកកក ចំនួន៤កូនថងតូច និងទូរស័ព្ទ ១គ្រឿង។
លោក ធិន ស៊ិនដេត នាយការិយាល័យប្រឆាំងគ្រឿងញៀន បានឲ្យដឹងទៀតថា ជនសង្ស័យឈ្មោះ ជា វុទ្ធី អាយុ៣៨ឆ្នាំ មុខរបជាងប៉ះកង់ រស់នៅភូមិ៤ សង្កាត់ព្រះពន្លា ក្រុងសេរីសោភ័ណ ។ បច្ចុប្បន្នសមត្ថកិច្ច កំពុងសាងសំណំរឿងជនសង្ស័យ និងភស្តុតាងគ្រឿងញៀនទាំងអស់ខាងលើ បញ្ជូនទៅកាន់ សាលាដំបូងខេត្តចាត់ការតាមច្បាប់៕
