(ព្រះសីហនុ)៖ ស្នងការននគរបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ នៅរសៀលថ្ងៃទី១៧ ខែកុម្ភៈ ឆ្នាំ២០១៧នេះ បានដឹកនាំស្នងការរង៣រូប ជួបពិភាក្សាការងារជាមួយតំណាងស្ថានទូតជប៉ុនប្រចាំកម្ពុជា និងមេបញ្ជាការកងទ័ពជើងទឹកជប៉ុន ដែលបានមកធ្វើទស្សនកិច្ចនៅប្រទេសកម្ពុជាចាប់ពីថ្ងៃទី១៧-២០ ខែកុម្ភៈ ឆ្នាំ២០១៦នេះ។
មន្រ្តីនគរបាលខេត្តព្រះសីហនុ បានប្រាប់ Fresh Newsថា «ការជួបសំណេះ សំណាលក្នុងគោលបំណងឲ្យ កងទ័ពជើងទឹកជប៉ុន សិក្សាស្វែងយល់ការហ្វឹកហាត់ពង្រឹងសមត្ថភាព និងពង្រឹងចំណងមិត្តភាពនៃប្រទេសទាំង២ កម្ពុជា-ជប៉ុន»។ នៅក្នុងជំនួបនេះលោកឧត្តមសេនីយ៍ស្នងការ បានសំដែងការស្វាគមន៍ នៃដំណើរទស្សកិច្ចនេះ ប្រកបដោយមោទនភាពក្រៃលែងព្រោះថា ប្រទេសកម្ពុជាបច្ចុប្បន្នពិតជាមានសន្តិភាព ប្រជាពលរដ្ឋ និងភ្ញៀវទេសចរណ៍អន្តរជាតិ អាចមកស្នាក់នៅលេងកំសាន្តដោយគ្មានការព្រួយបារម្មណ៍៕
