(ភ្នំពេញ)៖ កម្លាំងនគរបាលប៉ុស្តិវត្តភ្នំ ខណ្ឌដូនពេញ នៅយប់រំលងអាធ្រាត្រ ឈានចូលថ្ងៃទី១៧ ខែកុម្ភ: ឆ្នាំ២០១៦ បានបើកប្រតិបត្តិការ បង្ក្រាប និងចាប់ខ្លួន ក្រុមចោរឆក់ទ្រព្យសម្បត្តិ២នាក់ ក្រោយធ្វើសកម្មភាព​នៅចំណុចក្រុមហ៊ុន វីរៈប៊ុនថាំ ផ្លូវលេខ​ 106​ កែង​ ព្រះសុីសុវត្ថិភូមិ​ 08​ សង្កាត់វត្តភ្នំខណ្ឌដូនពេញ។

លោក ហួត ចាន់ យ៉ារ៉ាន់ អធិការនគរបាល ខណ្ឌដូនពេញ បានបញ្ជាក់ថា ជនល្មើសទី១. ឈ្មោះ​ ចាន់​សុីថា​​ អាយុ១៨ឆ្នាំ​ ស្នាក់នៅផ្ទះលេខ ៣១៦E៥ សង្កាត់មិត្តភាព​ ខណ្ឌ៧មករា
(ជាអ្នកបើកម៉ូតូ) និងទី២. ឈ្មោះ​ សិទ្ធិ​ រិទ្ធី​ អាយុ១៨ឆ្នាំ​ ទីលំនៅមិនពិតប្រាកដ ជាអ្នកធ្វើសកម្មភាពឆក។

ក្រោយចាប់ខ្លួន សមត្ថកិច្ច ដកហូតម៉ូតូ១គ្រឿង ម៉ាកវីវា​ពណ៌ខ្មៅ​ ស្លាកលេខ ព្រៃវែង​ 1A-1103​ សេរីឆ្នាំ២០០៦ និងកាបូបស្ពាយពណ៌ខ្មៅចំនួន១ផងដែរ៕