(កំពង់ចាម)៖ លោក Michael Tan Keng Soing ឯកអគ្គរដ្ឋទូត នៃសាធារណរដ្ឋសិង្ហបុរី និងលោក Oum Valentin ស្ថាបនិកក្រុមហ៊ុន Oum Valentin investment firm នៅថ្ងៃទី០៣ ខែធ្នូ ឆ្នាំ២០២០នេះ បាននាំយកសិល្បៈគំនូរលើជញ្ជាំង ឬ Street Art Fest++ ប្រគល់ជូនធនាគារជាតិសាខាខេត្តកំពង់ចាម ដើម្បីជំរុញចំណងទាក់ទងរវាងកម្ពុជា និងសិង្ហបុរី និងអបអរសាទរខួបលើកទី៥៥ ទំនាក់ទំនងប្រទេសទាំងពីរ។

ស្ថាបនិកក្រុមហ៊ុន OV Investment លោក Oum Valentin ជាអ្នកជឿយ៉ាងមុតមាំថា សិល្បៈអាចលើកស្ទួយស្មារតី និងជំរុញការច្នៃប្រឌិត ដោយលោកសន្យាគាំទ្រការបំផុសសកម្មភាពដូចជា Street Art Fest ++ ដែលរៀបចំដោយស្ថានទូតសិង្ហបូរី និងផ្តល់ជាយោបល់លើការជំរុញចំណងទាក់ទងរវាងប្រទេសកម្ពុជា និងសិង្ហបុរី និងដើម្បីអបអរសាទរខួបលើកទី៥៥ ទំនាក់ទំនងប្រទេសទាំងពីរ។

លោក Oum Valentin បានលើកឡើងយ៉ាងដូច្នេះថា៖ «ឆ្នាំនេះសិល្បៈផ្លូវនាំមកនូវបុគ្គលម្នាក់ៗមកពីគ្រប់មជ្ឈដ្ឋានហើយ តាមរយៈសិល្បៈបានបង្កើតបណ្តាញភ្ជាប់ដែលភ្ជាប់យើងទាំងអស់គ្នា។ ទំនាក់ទំនងរវាងកម្ពុជា និងសិង្ហបុរី បានទទួលការយកចិត្តទុកដាក់ និងស៊ីជម្រៅដោយសារការផ្លាស់ប្តូរគ្នា និងកិច្ចសហប្រតិបត្តិការកម្រិតខ្ពស់ ក្នុងវិស័យពាណិជ្ជកម្មទេសចរណ៍ វប្បធម៌ និងទំនាក់ទំនងរវាងប្រជាជន និងប្រជាជនហើយនឹងបន្តអភិវឌ្ឍ និងឈានដល់កម្រិតខ្ពស់ថ្មីមួយនាពេលអនាគត»។

លោក Oum Valentin គឺជាសហគ្រិនដែលមានទេពកោសល្យម្នាក់មានទើបអាយុ ២៤ឆ្នាំ។ ដោយបានធំឡើងនៅទីក្រុងប៉ារីស ប្រទេសបារាំង លោកបានចាប់យកវប្បធម៌សិល្បៈ តាមផ្លូវរស់រវើកដែលមានអត្ថាធិប្បាយសង្គម។ គាត់ក៏សង្ឃឹមថា វាជំរុញការច្នៃប្រឌិត និងបង្កឱ្យមានគំនិតមួយ ឬពីរ នៅក្នុងអ្នកដែលមានឱកាសមើលឃើញវា។ ការចូលរួមធ្វើអាជីវកម្មនៅវ័យក្មេង បែបនេះបានធ្វើឱ្យលោកដឹងថាសហគមន៍ និងអាជីវកម្មមានទំនាក់ទំនងគ្នាល្អយ៉ាងរឹងមាំ។ នៅពេលដែលការវិនិយោគ «អូវីន» នៅតែបន្តរីកចម្រើនលោកចង់ផ្តល់អ្វីមួយដល់សង្គម តាមរយៈការលើកទឹកចិត្ត និងគំនិតច្នៃប្រឌិតថ្មី សម្រាប់ប្រជាជនកម្ពុជា តាមរយៈផ្ទាំងគំនូរ និងសិល្បៈសាធារណៈនៅខាងក្រៅ។

ជាមួយគ្នានេះដែរលោក Oum Valentin ក៏បានគូសបញ្ជាក់ថា «តាមរយៈសកម្មភាពនេះ អ្នករស់រានមានជីវិតពីជំងឺមហារីកមានគម្រោងវិនិយោគសម្រាប់ក្រុមហ៊ុន OVI នៅថ្ងៃអនាគត។ ដូច្នេះ សិល្បៈគំរូនេះ ត្រូវបានបង្ហាញឱ្យឃើញតាមបែបវិទ្យាសាស្ត្រថាអំបូរមនុស្សទាំងអស់ គឺសុទ្ធតែមានទំនាក់ទំនងនឹងគ្នា ព្រមទាំងការចែករំលែកខ្សែស្រឡាយរួម ដែលចូលរួមដោយអារម្មណ៍ បទពិសោធន៍ និងការយល់ចិត្តគ្នាជាដើម»។

លោកក៏បានបង្ហាញក្តីរំពឹងថា ការចូលរួមនៅក្នុងព្រឹត្តិការណ៍នេះនឹងផ្តល់ការជឿជាក់យ៉ាងមុតមាំលើសារៈសំខាន់នៃសិល្បៈក្នុងការបង្ហាញពីអារម្មណ៍ ដែលអាចនាំមនុស្សនានាមកជួបជុំគ្នា ផងដែរ។

ទន្ទឹងនឹងនេះដែរ លោក Oum Valentin ចូលរួមសោកស្តាយដែលប្រទេសកម្ពុជា បានជួបវិបត្តិរាតត្បាតជំងឺកូវីដ-១៩នា «ព្រឹត្តិការណ៍សហគមន៍ថ្ងៃទី ២៨ ខែវិច្ឆិកា» ចំពោះបញ្ហានេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ក៏បានមានប្រសាសន៍ថា «ពេលនេះមិនមែនជាពេលដែលត្រូវស្តីបន្ទោសគ្នាទេវាជាពេលវេលាសម្រាប់សាមគ្គីភាព»។ ដូច្នេះ ក្នុងនាមជាយុវជនមួយរូប លោកនឹងបន្តកិច្ចខិតខំប្រឹងប្រែងជាមួយរាជរដ្ឋាភិបាលកម្ពុជា ព្រមទាំងអាជ្ញាធរ ដើម្បីចូលរួមគាំទ្រចលនា ក្នុងកំឡុងពេលដ៏សំខាន់នេះ រយៈពេល១៥ថ្ងៃ។

ឆ្លៀតយកឱកាសនេះ ដើម្បីនាំចំណាប់អារម្មណ៍របស់អ្នកអំពីគំនិតផ្តួចផ្តើមថ្មី លោក Oum Valentin ក៏បានផ្តល់គំនិតថ្មីគឺ «ការរស់រាន និងឆ្ពោះទៅមុខ»។ គំនិតផ្តួចផ្តើមនេះនឹងផ្តល់ការគាំទ្រ ដល់យុវវ័យ ដែលកំពុងជួបការលំបាកផ្នែកហិរញ្ញវត្ថុដោយសារតែជំងឺមហារីក នឹងសហការជាមួយអ្នកជំនាញ ដើម្បីផ្តល់ការគាំទ្រដ៏សំខាន់ដល់អ្នករស់រានមានជីវិតពីជំងឺមហារីកវ័យក្មេង តាមរយៈការផ្តល់មូលនិធិជំនួយធនធាន និងគេហទំព័រផងដែរ។

លោកបានគូសបញ្ជាក់បន្ថែមថា «ក្នុងនាមជាអ្នករស់រានមានជីវិតពីជំងឺមហារីក ខ្ញុំបានឆ្លងកាត់ដោយផ្ទាល់នូវវិសមភាពក្នុងការគាំទ្រផ្នែកវេជ្ជសាស្រ្ត សម្រាប់ប្រាក់ចំណូលទាប។ ដូច្នេះ លោកសន្យាជួយដល់មនុស្សវ័យក្មេងឱ្យរស់រានមានជីវិត និងជឿនលឿនទៅមុខជាមួយនឹងជីវិតរបស់ពួកគេក្នុងអំឡុងពេល និងក្រោយពេលកើតជំងឺមហារីក»។

លោក Oum Valentin ក៏ថ្លែងអំណរគុណដល់គណៈកម្មាធិការនៃកម្មវិធី Street Art Fest ចំពោះការខិតខំប្រឹងប្រែងរបស់ពួកគេ និងសិល្បករខ្មែរ ហ្វុនគី និងជនជាតិសិង្ហបូរី ឈ្មោះ យិប យុងចុង ដែលបានខិតខំយ៉ាងខ្លាំង ព្រមទាំងសូមថ្លែងអំណរគុណជាពិសេសដល់ស្ថានទូតសិង្ហបុរី និងក្រសួងទេសចរណ៍ កម្ពុជា ចំពោះសេរីភាវូបនីយកម្ម នៃគំនិតផ្តួចផ្តើមដ៏ធំធេង ក្នុងការបញ្ចូលសិល្បៈសាធារណៈចូលទៅក្នុងសហគមន៍ ដែលជាការអបអរសាទរចំពោះចំណងមិត្តភាពការទូតរបស់ប្រទេសកម្ពុជា និងប្រទេសសិង្ហបុរីរយៈពេល ៥៥ឆ្នាំ។

ក្នុងនាមជាយុវវ័យម្នាក់លោក Oum Valentin ទន្ទឹងរង់ចាំជាផ្នែកមួយនៃគំនិតផ្តួចផ្តើមដ៏អស្ចារ្យមួយទៀត៕