(ព្រះសីហនុ)៖ ភ្ញៀវទេសចរមកកម្សាន្តខេត្តព្រះសីហនុ រយៈពេល៣ថ្ងៃ ចាប់ពីថ្ងៃទី០៧-០៩ ខែកុម្ភៈ ឆ្នាំ២០១៦ ក្នុងឱកាសបុណ្យចូលឆ្នាំចិន-វៀតណាមសរុបចំនួន ៧៤,២២៣នាក់។ ចំនួននេះ បើប្រៀបធៀប នឹងឆ្នាំ ២០១៥ មានការកើនឡើង ១៧.៨៦% ។ ក្នុងចំណោមទេសចរ ជាង៧ម៉ឺននាក់ នោះមានភ្ញៀវជាតិមានចំនួន ៦៦,៦៥៩ នាក់ កើនឡើង ១៨.៩១% និងភ្ញៀវអន្តរជាតិមានចំនួន ៧,៥៦៤នាក់ កើនឡើង៩.០៧%។ នេះបើតាមលើកឡើង របស់លោក នូ សុផល ប្រធានមន្ទីរទេសចរណ៍ខេត្តព្រះសីហនុ។
គួរបញ្ជាក់ថា ខេត្តព្រះសីហនុ គឺជាខេត្តទេសចរណ៍មួយ ដែលប្រជាពលរដ្ឋ និយមធ្វើដំណើរកម្សាន្ត នៅក្នុងពិធីបុណ្យធំៗមួយចំនួន ដូចជា បុណ្យភ្ជុំបិណ្ឌ បុណ្យចូលឆ្នាំ បុណ្យអ៊ុទូក និងពិធីបុណ្យប្រពៃណីចិន វៀតណាមជាដើម៕
