(កំពង់ស្ពឺ)៖ តាមរយៈសប្បុរសជនគ្រប់ទិសទី រាល់ថ្ងៃបានផ្តល់ជំនួយជាច្រើន តាមរយៈរដ្ឋបាលខេត្ត ដែលមានលោក វ៉ី សំណាង អភិបាលខេត្ត និងជាប្រធានកិត្តិយស សាខាកាកបាទក្រហមកម្ពុជា ខេត្តកំពង់ស្ពឺ និងតាមរយៈអភិបាលរងខេត្តផង បានទទួលនៅអំណោយសប្បុរសធម៌ តាមរយៈក្រុមហ៊ុន សមាគមន៍ អាជីវករ ពាណិជ្ជករ និងមន្ត្រីរាជការជុំវិញខេត្តផងដែរ។
ជាក់ស្តែងនៅរសៀលថ្ងៃទី២៧ ខែតុលា ឆ្នាំ២០២០នេះ ក្រុមសូរិន្ទម៉ារីយូ ឯ.ក ជាមួយ សម្ពន្ធយុវជនស្រលាញ់សន្តិភាពផ្នែកព័ត៌មាន បាននាំយកអំណោយ ដែលមានថវិកា និងគ្រឿងបរិភោគមួយចំនួន ទៅប្រគល់រដ្ឋបាលខេត្តកំពង់ស្ពឺ បន្ថែមតាមរយៈលោក វ៉ី សំណាង អភិបាលខេត្តកំពង់ស្ពឺ។
ខណៈដែលក្រុមហ៊ុនសុរិន្ទម៉ារីយូ ឯ.ក នឹងសម្ពន្ធយុវជនស្រលាញ់សន្តិភាពផ្នែកព័ត៌មាន កាលពីថ្ងៃទី២៦ ខែតុលា ឆ្នាំ២០២០ បាននាំយកអំណោយ ដែលមានថវិការ នឹងគ្រឿងបរិភោគមួយចំនួន ទៅជូនសហភាពសហព័ន្ធយុវជនកម្ពុជា (សសយក) ខេត្តកំពង់ស្ពឺ ដើម្បីយកទៅចែកជូន ប្រជាពលរដ្ឋ ដែលរងគ្រោះដោយសារ ទឹកជំននទឹកភ្លៀង នៅខេត្តកំពង់ស្ពឺ នៅបណ្ណាល័យកំពង់ស្ពឺ ដែលមានលោកស្រី ជឿន ទាវ អគ្គនាយិការក្រុមហ៊ុន សុរិន្ទម៉ារីយូ នឹងស្វាម៉ី ព្រមទាំងបុគ្គលិកក្រុមហ៊ុន
ក្នុងនោះ ក៏មានលោក ឡុង ហេងលាភ អនុប្រធានផ្នែកព័ត៌មាន នៃសម្ពន្ធយុវជនស្រលាញ់សន្តិភាព លោក យិន រដ្ឋា អនុប្រធាន សម្ពន្ធយុវជនស្រលាញ់សន្តិភាព ខេត្តកំពង់ឆ្នាំង បាននាំយកនូវសម្ភារមួយចំនួន ដូចជា៖ អង្ករចំនួន១តោន, មីជាតិចំនួន១២០កេះ, ទឹកសុទ្ធចំនួន៥០កេះ, ត្រីខកំប៉ុង ចំនួន ៥០យួ, ថវិកាចំនួន២០០ដុល្លារ តាមរយៈលោក សរ សុពុត្រា អភិបាលរងខេត្ត និងជាប្រធាន សហភាពសហព័ន្ធយុវជនកម្ពុជាខេត្តកំពង់ស្ពឺ ម្តងរួចមកហើយ ដើម្បីយកទៅចែកជូនដល់ ប្រជាពលរដ្ឋ ដែលរងគ្រោះដោយសារទឹកជំននទឹកភ្លៀងនៅខេត្តកំពង់ស្ពឺ៕
