(ភ្នំពេញ)៖ នៅព្រឹកថ្ងៃនេះ សម្តេចតេជោ ហ៊ុន សែន បានបន្តបង្ហាញវិដេអូរបស់សម្តេច អញ្ជើញចុះសួរសុខទុក្ខ​បងប្អូនដោយផ្ទាល់ កាលពីថ្ងៃសៅរ៍ សប្តាហ៍មុន នៅសួនច្បារសាធារណៈ នាគបាញ់ទឹក និងនៅកន្លែងហាត់ប្រាណ​​សួនច្បារ​​មុខវត្ត​បទុមវតី និងនៅមុខវាំង។

សម្តេចតេជោ ហ៊ុន សែន លើកឡើងនៅលើ Facebook នាព្រឹកថ្ងៃនេះថា សម្តេចពេញចិត្តថតរូបសែលហ្វី (Selfie) ជាមួយបងប្អូនគ្រប់ពេលវេលា។ និងចង់ឲ្យបងប្អូន​កាន់តែមានភាពជិតស្និទ្ឋ​ជាមួយសម្តេច ព្រោះសុខទុក្ខបងប្អូនគឺជាសុខទុក្ខរបស់សម្តេច ហើយសម្តេចពិតជាសប្បាយរីករាយខ្លាំង នៅពេលមានឱកាសចុះមកសួរសុខទុក្ខ និងបានស្វែងយល់អំពីសុខទុក្ខប្រជាពលរដ្ឋ ព្រះសង្ឃ យុវជន យុវនារី និងកុមារតូចៗជាច្រើនដែល កំពុងរត់លេង និងកំពុងហាត់កីឡាយ៉ាង​សប្បាយរីករាយនៅតាមសួន​ច្បារសាធារណៈ​ក្នុងរាជធានីភ្នំពេញ។

សម្តេចនាយករដ្ឋមន្រ្តី ហ៊ុន សែន បានសរសេរយ៉ាងដូច្នេះថា​៖

«បងប្អូនប្រជាពលរដ្ឋជាទីគោរពស្រឡាញ់! ខ្ញុំសូមអរគុណបងប្អូនប្រជាពល​រដ្ឋ​ដែលបានបង្ហាញ​នូវក្តីគោរពស្រឡាញ់​ចំពោះរូបខ្ញុំ ជាពិសេសក្នុង​ពេល​ដែលខ្ញុំចុះ​សួរ​សុខទុក្ខបងប្អូន​ដោយផ្ទាល់ កាលពីរសៀលថ្ងៃសៅរ៍កន្លង​ទៅនេះ នៅសួនច្បារសាធារណៈ​នាគបាញ់ទឹក នៅកន្លែងហាត់ប្រាណ​សួនច្បារមុខវត្តបទុមវតី និងនៅមុខវាំង។ ខ្ញុំសប្បាយចិត្តខ្លាំងណាស់​ដែលបានឃើញបងប្អូន​នាំកូនចៅ​មកកំសាន្ត និងមកហាត់ប្រាណ​នៅតាមទីធ្លារសួន​ច្បារសាធារណៈ​ទាំងនេះដោយទឹកមុខរីករាយ។ ការថតរូបជាមួយ​បងប្អូនជនរួមជាតិ គឺមាន័យ​ខ្លាំងណាស់ ចំពោះរូបខ្ញុំ ហើយខ្ញុំពេញចិត្តថតរូបសែលហ្វី (Selfie) ជាមួយបងប្អូនគ្រប់ពេល។ ខ្ញុំចង់អោយបងប្អូនកាន់តែមានភាពជិតស្និទ្ឋជាមួយខ្ញុំ ព្រោះសុខទុក្ខបងប្អូន​គឺជាសុខទុក្ខរបស់ខ្ញុំផងដែរ។

ខ្ញុំពិតជាសប្បាយរីករាយខ្លាំង នៅពេលមាន​ឱកាសចុះ​មកសួរសុខទុក្ខ និងបានស្វែង​យល់អំពី​សុខទុក្ខ​ប្រជាពលរដ្ឋ ព្រះសង្ឃ យុវជន យុវនារី និងកុមារតូចៗ ជាច្រើន​ដែល​កំពុរត់លេង និងកំពុងហាត់កីឡាយ៉ាងសប្បាយ​រីករាយនៅ​តាមសួនច្បារសា​ធារណៈ​ក្នុងរាជធានីភ្នំពេញ។ សូមបងប្អូនជនរួមជាតិជួបតែសំណាងល្អ៕»

សូមទស្សនាវិដេអូរបស់សម្តេចតេជោ ហ៊ុន សែន ចុះសាកសួរសុខទុក្ខ បងប្អូនប្រជាពលរដ្ឋ នៅតាមទីធ្លាសួនច្បារ៖