(ត្បូងឃ្មុំ)៖ ស្នងការនគរបាល ខេត្តត្បូងឃ្មុំ លោកឧត្តមសេនីយ៍ត្រី ម៉ៅ ពៅ បានប្រាប់អង្គភាព Fresh News ថា នៅរសៀលថ្ងៃទី១ ខែកុម្ភៈ ឆ្នាំ២០១៦នេះ កម្លាំងជំនាញអធិការដ្ឋាននគរបាល ស្រុកមេមត់ ខណៈចុះល្បាតត្រួតពិនិត្យអាវុធជាតិផ្ទុះ ស្ថិតនៅចំណុចគីឡូម៉ែត្រលេខ៤៦ ភូមិស្រែសោមថ្មី ឃុំកំពាន់ ស្រុកមេមត់ បានឃាត់មុខសញ្ញាគ្រឿងញៀន២នាក់ និងដកហូតម៉ូតូម៉ាកWave ពណ៌ស្លែ១គ្រឿង ព្រមទាំងថ្នាំញៀនមួយចំនួន។
លោកឧត្តមសេនីយ៍ ម៉ៅ ពៅ បានបញ្ជាក់ថា ជនសង្ស័យទី១ ឈ្មោះ ឈុន សេងគ្រី អាយុ៣៥ឆ្នាំ ស្នាក់នៅភូមិខ្នងក្រពើកើត ឃុំត្រមូង ស្រុកមេមត់ ខេត្តត្បូងឃ្មុំ និងទីឈ្មោះ ណេង ធីម អាយុ៣៧ឆ្នាំ រស់នៅភូមិស្រែសោមថ្មី ឃុំកំពាន់ ស្រុកមេមត់។ ក្រោយការចាប់ខ្លួនជនសង្ស័យទាំង២នាក់ ត្រូវបានបញ្ជូនទៅសួរនាំ នៅអធិការដ្ឋាននគរបាលស្រុក ដើម្បីចាត់ការតាមនីតិវិធីបន្តទៀត៕
