(ភ្នំពេញ)៖ Home Top ជាផ្សារទំនើបតែមួយគត់ នៅក្នុងព្រះរាជាណាចក្រកម្ពុជា ដែលទទួលបានសិទ្ធិផ្តាច់មុខ ក្នុងការផ្គត់ផ្គង់សម្ភារៈ ប្រើប្រាស់គ្រប់ប្រភេទ ដែលនាំចូលពីសហរដ្ឋអាមេរិក ដោយក្រុមហ៊ុន Do It Best របស់សហរដ្ឋអាមេរិក ​មានទីតាំងស្ថិតនៅតាម បណ្តោយមហាវិថីម៉ៅសេទុង ទល់មុខវត្តទូលទំពូង បានប្រារព្ធកម្មវិធីគម្រប់ខួប១ឆ្នាំរបស់ខ្លួន នៃការបើកបម្រើលក់ជូនអតិថិជន ដោយទទួលបានការគាំទ្រយ៉ាងខ្លាំង។ ​

ក្រុមហ៊ុន Do It Best គឺជាក្រុមហ៊ុន​ធំជាងគេ នៅលើពីភពលោកផ្នែកផ្គត់ផ្គង់ សម្ភារៈប្រើប្រាស់គ្រប់ប្រភេទមានលក្ខណៈស្តង់ដារ ពីអាមេរិក និងមានមូលដ្ឋាន ស្ថិតនៅក្នុងសហរដ្ឋអាមេរិក ក្នុងរដ្ឋ Indiana ​បានបង្កើតឡើង តាំងពីឆ្នាំ ១៩៤៥ មកម្ល៉េះ។  

ក្រុមហ៊ុន Do It Best មានដៃគូរសហការផលិតជាង ៧០០០ រោងចក្រ នៅទូទាំងពិភពលោក ហើយមានផលិតផលជាង៧០០០០ មុខ និងមានសាខា៣៨០០សាខា ក្នុងសហរដ្ឋអាមេរិក។ ក្នុងពេលបច្ចុប្បន្ននេះ Do It Best បានផ្តល់អាជ្ញាប័ណ្ណ ទទួលសិទ្ធចែកចាយ ជាផ្លូវការរបស់ខ្លួន ចំនួន៥៣ ប្រទេសនៅលើពិភពលោក ​ក្នុងនោះព្រះរាជាណាចក្រកម្ពុជា ជាប្រទេសទី ៥៣ ដែលទទួលសិទ្ធិផ្តាច់មុខ ដោយផ្សារទំនើប Home Top។

ក្នុងឱកាសគម្រប់ខួប១ឆ្នាំរបស់ផ្សារទំនើប Home Top ដែលបានបើកដំណើរការជាផ្លូវការ ក្នុងព្រះរាជាណាចក្រកម្ពុជាក៏ទទួលបាន នូវការគាំទ្រយ៉ាងខ្លាំង ពីសំណាក់អតិថិជន។ អ្វីដែលពិសេសថែមទៀតនេះ ដើម្បីអបអរឱកាសគំរប់ខួប១ឆ្នាំ ផ្សារទំនើប Home Top បានធ្វើការលក់បញ្ចុះតម្លៃ១៥ទៅ២០% ក្នុងរយៈពេល៥ថ្ងៃ គឺគិតចាប់ពីថ្ងៃ ទី ៣០ ​ខែមករា រហូតដល់ថ្ងៃទី ៣ កុម្ភៈ ឆ្នាំ ២០១៦ នេះ។ ដូចនេះ សូមអតិថិជន ទាំងអស់អញ្ជើញមកកាន់ផ្សារទំនើប Home Top ដើម្បីទស្សនា និងរីករាយក្នុងការទិញទំនិញ​តាមតម្រូវការ របស់លោកអ្នក៕