(ភ្នំពេញ)៖ យុវជនម្នាក់មិនទាន់ស្គាល់អត្តសញ្ញាណ ត្រូវបានខ្មាន់កាំភ្លើង ធ្វើការបាញ់ប្រហារ បណ្តាលឲ្យរងរបួសធ្ងន់ នៅវេលាម៉ោងប្រមាណ ១០៖២០នាទី យប់ថ្ងៃទី២៧ ខែមករា ឆ្នាំ២០១៦នេះ ស្ថិតនៅតាមផ្លូវទំនប់ សង្កាត់ទួលសង្កែ ខណ្ឌឫស្សីកែវ មិនទាន់ដឹងមូលហេតុ។
ភ្នាក់ងារ Fresh News បានរាយការណ៍ថា ខណៈជនរងគ្រោះកំពុងជិះម៉ូតូមួយគ្រឿងម៉ាក MSX ទិញបង្អែមឲ្យម្តាយ លុះពេលជិតដល់ច្រកផ្លូវចូលផ្ទះ ក៏លេចមុខជនសង្ស័យធ្វើការបាញ់ ប្រហារតែម្តងបណ្តាលឲ្យជនរងគ្រោះរងរបួសធ្ងន់។ ក្រោយកើតហេតុកម្លាំង សមត្ថកិច្ចបានចុះទៅជួយអន្តរាគមន៍ និងសួរនាំរកមូលហេតុ ព្រមទាំងតាមចាប់ជនដៃដល់៕
