(ភ្នំពេញ)៖ លោកស្រីម៉ែន សំអន ឧបនាយករដ្ឋមន្ដ្រី រដ្ឋមន្រ្ដីក្រសួទំនាក់ទំនង ជាមួយ​រដ្ឋ​សភា ព្រឹទ្ធសភា និងអធិការកិច្ច  ព្រមទំាងមន្ដ្រី រាជការក្រោមឱវាទ នំាយកបច្ច័យ ជាទេយ្យ​ទាន និងថវិកា ទៅចូលរួម ពិធី​បុណ្យកតញ្ញូ ស្រោចព្រះសុគន្ធវារីចម្រើន​ព្រះជន្មា​យុ​​ថ្វាយ​​សម្តេ​ចព្រះ​អគ្គមហាសង្ឃរាជា​ធិបតី ទេព វង្ស សម្តេចព្រះមហាសង្ឃរាជ ​នៃព្រះរាជា​ណា​ចក្រកម្ពុជា និងជាព្រះចៅអធិការវត្ត​ឧណ្ណាលោម ​នារ​សៀលថ្ងៃទី ២៥ ខែមករា ឆ្នាំ២០១៦នេះ ដើម្បីចម្រើនព្រះជន្មាយុ៨៤ ព្រះវស្សាយាង​ចូល​៨៥​ព្រះវស្សា​របស់​ព្រះអង្គ។

សូមបញ្ជាក់ថា ក្នុងពិធីបុណ្យនេះបន្ទាប់ពីជួបជុំពុទ្ធបរិស័ទ្ធជិតឆ្ងាយ បានរៀប​ចំពិ​ធី​បូ​ជា​ក្រុងពាលី​បួង​សួងសុំទឹកដីនិងនិមន្តព្រះសង្ឃ៨៩អង្គចម្រើនព្រះបរិត្តនៅលើព្រះវិហារ​វត្តឧណ្ណា​លោម​រួចមក​សម្តេច​ព្រះ​មហាសុមេធាធិបតី នន្ទ ង៉ែត សម្តេចព្រះឧត្តមមុនី យឿង យ៉ាត ព្រះមុនីកោសល ហុល សុវណ្ណ ប្រទានព្រះពុទ្ធជ័យមង្គលថ្វាយ​ព្រះសុគន្ធវារី​ចំពោះ​សម្តេច​ព្រះមហាសង្ឃរាជ។  លុះព្រឹកឡើង ថ្ងៃអង្គា ត្រូវនិងថ្ងៃទី០៤ រោជ ខែបុស្ស ឆ្នាំមមី គ្រីស័ក ព.​ស ២៥៥៩ ​ត្រូវនិងថ្ងៃទី២៥ ខែមករា ឆ្នាំ២០១៦ វេលា​ម៉ោង​៦៖​៤០​នាទី​ព្រឹក​ប្រគេនយាគូ​ព្រះ​សង្ឃ លុះវេលា​ម៉ោង៨៖០០នាទីនិមន្ត​សមណ និស្សិត ចំនួន១០៨អង្គ គោចរបិណ្ឌបាត្រនិង​​វេ​ប្រ​គេនភត្តបង្សុ​កូលពហ្វ​ទេវា​ឆ្លង​​ជា​កិច្ច​បង្ហើយបុណ្យ។

លោកស្រីមែន សំអន ឧបនាយករដ្ឋមន្ដ្រី រដ្ឋមន្រ្ដីក្រសួទំនាក់ទំនង ជាមួយ ​រដ្ឋ​សភា ព្រឹទ្ធសភា និងអធិការកិច្ច  ព្រមទំាងមន្ដ្រីរាជការក្រោមឱវាទ ក៏បាននាំយកបច្ច័យ និង​ទេយ្យ​ទានយក​ទៅ​ប្រគេន​សម្តេចព្រះមហាសង្ឃ​រាជា​ធិ​ប​​តី ​​ទេព​ វង្ស សម្តេចព្រះសង្ឃរាជ នៃ​ព្រះ​​​រាជាណាចក្រកម្ពុជា​  ដើម្បីចូល​រួមទុកជា​ប្រ​យោជន៍​​​វិស័យ​ព្រះពុទ្ធសាសនាផងដែរ។   ​ ​​ ​    ​ ​ ​    

ព្រះរាជជីវប្រវត្ដិ សម្ដេច​​ព្រះអគ្គមហាសង្ឃរាជាធិបតី ទេព្យ វង្ស ទ្រុងប្រសូត្រ ក្នុងបច្ឆិមយាមទៀបភ្លឺ ថ្ងៃព្រហស្បត៏ ២រោជ ខែបុស្ស ឆ្នំាវក ចត្វាស័ក ព.ស ២៤​៦៦ ត្រូវនឹង ថ្ងៃទី១២ ខែមករា ឆ្នំា១៩៣២ នៅភូមិត្រពាំងចក ឃុំជ្រាវ ស្រុកសៀមរាប ខេត្ដសៀមរាប មានបងប្អូន ៣នាក់ ទេព្យ ​វង្ស ជាកូនទី៣ ក្នុងត្រកូលកសិករ  ។ មាតានាម ប៉ិច អាត់  បិតានាម ទេព ឈិត (អតីតអ្នកបួសបាន១២ព្រះវស្សា)។​ កុមារ ទេព វង្ស បាន​សាងព្រះថ្នូសក្នុងព្រះពុទ្ធសាសនាតាំងពីអាយុ១៥ឆ្នំា បន្ទាប់ពីបិតាបានទទួលអនិច្ចកម្ម​ទៅ​ដោយ​រោគា​ពាធ  នៅឆ្នំា១៩៤៧ មក   តែជាអកុសល្យក្នុងរបបប្រល័យពូជ សាស្រ្ដ ប៉ុល​ពត  នៅឆ្នំា១៩៧០ដល់ ១៩៧៩ ព្រះភិក្ខុ ទេព វង្ស​ ក៏មិនខុសពីប្រជាពល រដ្ឋដ៏ទៃទៀត​ដែរ​បានទទួលរង​ឥទ្ធិពលទារុណ​កម្មដ៏​សាហាវ​យង់ខ្នង។ រហូតមកដល់ឆ្នំា១៩៧៩សម្ដេច​បាន​បន្ដសាងថ្នួសរហូតមកដល់បច្ចុប្បន្ននេះ មួយជីវិត​ព្រះអង្គ​គឺលោកបា​នសាងថ្នួសរហូតមក ៕