(សាន់ហ្វ្រាំងស៊ីស្កូ)៖ បុគ្គលិកជាន់ខ្ពស់របស់បណ្ដាញទំនាក់ទំនងសង្គម Twitter ចំនួន ៥រូប នឹងលាឈប់ពី​តំណែងព្រមគ្នា ខណៈដែល​លោក Jack Dorsey សហស្ថាបនិក Twitter ត្រឡប់មកកាន់តំណែង​ជា​នាយកប្រតិបត្តិ (CEO) ​ក្រុមហ៊ុនវិញនេះបើយោងតាមការ ចេញផ្សាយរបស់ Reuters នៅថ្ងៃទី២៥ ខែមករា ឆ្នាំ២០១៦។

ប្រភពជិតស្និទ្ធនឹងក្រុមហ៊ុន Twitter បានលួចបង្ហើបឲ្យដឹងថា លោក Katie Jacobs Stanton ប្រធាន​ផ្នែក​ផ្សព្វ​ផ្សាយ, លោក Kevin Weil ប្រធានផ្នែកផលិតផល ,លោក Alex Roetter ប្រធានផ្នេកវិស្វករ នឹងចាកចេញពី​ក្រុមហ៊ុននៅក្នុងឆាប់ៗខាងមុខនេះ។ ប្រភពដដែលបាន អះអាងថា លោក Jason Toff ប្រធានផ្នែកសេវាកម្មវីដេអូ និងលោក Jana Messerschmidt ប្រធានផ្នែក​ការអភិវឌ្ឍអាជីវកម្ម ក៏នឹងចាកចេញដូចគ្នា។

គេមិនបានដឹងពីមូលហេតុនៃការចាកចេញរបស់បុគ្គលិកកំពូលៗទាំងនេះនោះទេ ប៉ុន្តែគេសង្កេតឃើញថា ចាប់តាំង​ពីលោក Jack Dorsey ត្រឡប់មកកាន់តំណែងជានាយកប្រតិបត្តិបណ្ដោះអាសន្ន រហូតដល់ឡើងកាន់តំណែង​ជា​នាយកប្រតិបត្តិពេញសិទ្ធិគឺមាន បុគ្គលិកជាច្រើនហាក់ដូចជាមិនសូវសប្បាយចិត្ត ឬចូលចិត្តសហស្ថាបនិក​រូបនេះ​នោះទេ៕