(ភ្នំពេញ)៖ នៅ​ថ្ងៃ​ទី២៣ ខែ​មករា ឆ្នាំ​២០១៦ម្សិលមិញ​នេះ មាន​គ្រោះថ្នាក់​ចរាចរណ៍ ​នៅ​ទូទាំង​ប្រទេស​ចំនួន១០​លើក (យប់៤​លើក) បណ្តាលឲ្យ​មនុស្ស​ស្លាប់៣​នាក់ (ស្រីម្នាក់) របួសធ្ងន់១៣​នាក់ (ប្រុស) របួសស្រាល៥នាក់ (ស្រី២នាក់) និង​មិន​ពាក់មួក​ ពេល​គ្រោះ​ថ្នាក់​មាន១២​នាក់ នេះបើតាមរបាយការណ៍គ្រោះថ្នាក់ចរាចរណ៍ របស់នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ​។​

​ប្រភពព័ត៌មានដដែលបញ្ជាក់ទៀតថា ក្នុង​គ្រោះថ្នាក់​ចរាចរណ៍​ទាំង ១១លើក​នេះ បាន​បង្ក​ឲ្យ​ខូចខាត​ម៉ូតូ​ចំនួន៨​គ្រឿង រថយន្ត​ធុន​តូច៣​គ្រឿង និងរថយន្តធំ៤គ្រឿង ហើយ​មូលហេតុ​ដែល​បណ្តាលឲ្យ ​មាន​គ្រោះថ្នាក់​រួម​មាន ៖ ល្មើស​ល្បឿន៥លើក បត់គ្រោះថ្នាក់១លើក ស្រវឹង២លើក និងប្រជែងគ្រោះថ្នាក់១លើក៕