(ភ្នំពេញ)៖ រថយន្ដធុនធំមួយគ្រឿង ពាក់ផ្លាកលេខ «ស្វាយរៀង 3A-0241» បានបើកបុកបុរសម្នាក់កំពុងជិះម៉ូតូ បណ្ដាលឲ្យស្លាប់ភ្លាមៗ គួរឲ្យអណោចអធម៌ ជាទីបំផុត ខណៈដែលបើកបរ បានរត់គេចខ្លួនបាត់ស្រមោល។

ហេតុការណ៍គ្រោះថ្នាក់ចរាចរណ៍ ដ៏គួរឲ្យអាសូរខាងលើនេះ បានកើតឡើងនៅទល់មុខបុរីពិភពថ្មី លើកំណាត់ផ្លូវជាតិលេខ៣ ស្ថិតនៅក្នុងសង្កាត់ទួលកី ខណ្ឌពោធិ៍សែនជ័យ រាជធានីភ្នំពេញ នាវេលាម៉ោង០៦៖០០ល្ងាច ថ្ងៃទី១៦ ខែកក្កដា ឆ្នាំ២០២០នេះ។

បើតាមរបាយការណ៍របស់សមត្ថកិច្ច ដែលបណ្ដាញព័ត៌មាន Fresh News បានឲ្យដឹងថា ជនរងគ្រោះ មានឈ្មោះ ជា សុវណ្ណ អាយុ៣៦ឆ្នាំ រស់នៅក្នុងសង្កាត់ពងទឹក ខណ្ឌដង្កោ រាជធានីភ្នំពេញ។ ដោយឡែករថយន្ដបង្ក ត្រូវបានរក្សាទុកនៅស្នងការនគរបាលជាតិ។

បច្ចុប្បន្ន សពជនរងគ្រោះ ត្រូវបានសមត្ថកិច្ច ប្រគល់ជូនក្រុមគ្រួសារ ដើម្បីរៀបចំធ្វើបុណ្យតាមប្រពៃណី៕