(ភ្នំពេញ)៖ លោក ចន ឃែរី (John Kerry) រដ្ឋមន្ត្រីក្រសួងការបរទេសសហរដ្ឋអាមេរិក នឹងមានជំនួបជាមួយលោក កឹម សុខា ប្រធានស្តីទីគណបក្សប្រឆាំង នៅល្ងាចថ្ងៃទី២៦ ខែមករា ឆ្នាំ២០១៦ អំឡុងពេល បំពេញទស្សនកិច្ច នៅប្រទេសកម្ពុជា។
លោក យឹម សុវណ្ណ អ្នកនាំពាក្យគណបក្សសង្រ្គោះជាតិ បានឱ្យដឹងថា នៅក្នុងជំនួបនះ នឹងមានការលើកយកបញ្ហានយោបាយ បញ្ហាសេដ្ឋកិច្ច បញ្ហាសង្គម បញ្ហាការបោះឆ្នោត និងបញ្ហាផ្សេងៗមួយចំនួនទៀត។
បើតាមប្រភពច្បាស់ការមួយ បានឱ្យដឹងថាជំនួបរវាង លោក ចន ឃែរី (John Kerry) និងលោក កឹម សុខា នឹងធ្វើឡើងនៅល្ងាច ថ្ងៃទី២៦ ខែមករា ឆ្នាំ២០១៦ បន្ទាប់ពីលោក ឃែរី ជួបពិភាក្សាការងារជាមួយសម្តេចនាយករដ្ឋមន្ត្រី ហ៊ុន សែន រួចរាល់។
សូមបញ្ជាក់ថា រដ្ឋមន្ត្រីក្រសួងការបរទេសសហរដ្ឋអាមេរិក លោក ចន ឃែរី នឹងមកបំពេញទស្សនកិច្ច រយ:ពេល២ថ្ងៃ នៅប្រទេសកម្ពុជា នៅថ្ងៃទី២៥ ដល់ថ្ងៃទី២៦ ខែមករា ឆ្នាំ២០១៦៕
