(ប៉េកាំង)៖ សាលារៀនមួយចំនួននៅក្នុងប្រទេសចិន ត្រូវបានត្រូវបានផ្អាក ដោយសារតែរងនូវអាកាសធាតុត្រជាក់បំផុត ដែលមិនធា្លប់មាននៅរយៈពេល ៣០ឆ្នាំចុងក្រោយ នេះបើតាមព័ត៌មាន AFP ចេញផ្សាយនៅល្ងាចថ្ងៃទី២១ ខែមករា ឆ្នាំ២០១៦នេះ។
ក្រុមសង្គ្រោះបន្ទាន់ ត្រូវបានដាក់ឲ្យប្រចាំការ រួចជាស្រេច ដើម្បីដោះស្រាយចំពោះបញ្ហាដែលកើតឡើងភា្លមៗ។ គិតត្រឹមម៉ោង១រសៀលថ្ងៃព្រហស្បតិ៍នេះ សីតុណ្ហភាពធ្លាក់រហូតដល់ -២៨អង្សា នៅក្នុងទីក្រុង Yakeshi ។ មជ្ឈមណ្ឌលឧត្តុនិយមជាតិ បានធ្វើការព្យាករណ៍ថា សីតុណ្ហភាពនឹងធ្លាក់នៅ១០អង្សា នៅទូទាំងប្រទេស នារយៈពេល៤ថ្ងៃខាងមុខ ហើយរដ្ឋធានីប៉េកាំង ត្រូវបានគេព្យាករណ៍ថា នឹងមានសីតុណ្ហភាព -១៧អង្សានៅថ្ងៃសៅរ៍។ ប្រភពខាងលើបន្តថា វានឹងមានភាពត្រជាក់ដល់កក នៅជាង៩០ភាគរយ នៃតំបន់ចិន ដែលជាប្រទេសមានអត្រាប្រជាជន ច្រើនជាងគេបំផុតរបស់ពិភពលោក៕
