(អ៉ីរ៉ាក់)៖ មានភស្ថុតាងជាច្រើនបានបង្ហាញថា ក្រុមឧទ្ទាមរដ្ឋឥស្លាម ISIS កំពុងធ្វើតេស្ត​សាកល្បងប្រើប្រាស់អាវុធគីមី ខណៈដែលចំនួន​នៃសកម្មប្រយុទ្ធ​នៅក្រៅប្រទេសកំពុងកើនឡើងជាលំដាប់ នេះបើយោងតាម ​ការលើកឡើងរបស់មន្ត្រី រដ្ឋាភិបាលដកស្រង់ដោយសារព័ត៌មាន Fox News ចេញផ្សាយនៅថ្ងៃទី១៤ ខែមករា ឆ្នាំ២០១៦នេះ។

សូមជម្រាបថា រូបថត ដែលផ្តិតដោយ​ពួក Kurds ក្នុងតំបន់ភាគខាងជើងប្រទេសអ៊ីរ៉ាក់ នាពេលថ្មីៗនេះបានបង្ហាញសាកសព ដែលមានលក្ខណៈរលាក និងពងៗនៅលើស្បែក​ដែលជាភស្ថុតាងបង្ហាញថា មានការប្រើប្រាស់​សារធាតុគីមីក្នុងអាវុធ។

ភ្នាក់ងារសា្រវជ្រាវបានឲ្យដឹងថា សារធាតុគីមីនេះ គ្មានក្លិន គ្មានពណ៌ និងបានស្រូបចូលក្នុងសម្លៀកបំពាក់របស់មនុស្ស ដែលបណ្តាលឲ្យជនរងគ្រោះត្រូវរលាកស្បែក​ ឬធ្លាក់ខ្លួនឈឺក្នុងរយៈ​ពេលប៉ុន្មាន​ម៉ោងក្រោយមក៕