Update៖ ករណីបំផ្ទុះគ្រាប់បែកកណ្ដាលក្រុងហ្សាកាតា, ស្លាប់កើនដល់៥នាក់

(ហ្សាកាតា)៖ អ្នកនាំពាក្យរបស់ អគ្គអធិការដ្ឋានប៉ូលិស លោក Anton Charliyan បានថ្លែងឲ្យ​ដឹង​ថា ករណីវាយប្រហារកណ្ដាល ទីក្រុង ហ្សាកាតា ប្រទេសឥណ្ឌូនេស៊ី មានចំនួនអ្នកស្លាប់​បាន​កើនឡើងដល់ ៥នាក់ ក្នុងនោះមានប៉ូលិសចរាចរណ៍ ៣នាក់ និងជនស៊ីវិល ២នាក់។

ពាក់ព័ន្ធនឹងករណីនេះផងដែរ អាជ្ញាធរបានស្នើសុំឲ្យពលរដ្ឋទាំងអស់រក្សាភាពស្ងប់ស្ងាត់ និង​​នៅកន្លែងមានសុវត្ថិភាព ព្រោះនៅមុននេះ បន្ដិចមានព័ត៌មានថា នឹងមានការបំផ្ទុះគ្រាប់បែក​ជា​បន្ត​ទៀតនៅជាយក្រុងហ្សាកាតា ខណៈដែល​នៅពេលនេះ ខ្មាន់កាំភ្លើងប្រមាណ ជាង ១០នាក់ កំពុងតែ​បាញ់តបតជាមួយប៉ូលិស។

គួរបញ្ជាក់ផងដែរថា កាលពីខែធ្នូ ក្រុមឧទ្ទាម ISIS បានចេញសេចក្ដីព្រមានមួយដល់​ប្រទេស ឥណ្ឌូនេស៊ី ថានឹងបង្កើតព្រឹត្តិការណ៍ ព័ត៌មានលំដាប់អន្តរជាតិមួយ ប៉ុន្តែនៅពេលនេះគេមិនទាន់​អាចបញ្ជាក់ថាបានថា វាជាទង្វើនរបស់ក្រុម ISIS នោះទេ៕