(ភ្នំពេញ)៖ ឧត្តមសេនីយ៍ទោ ទី ឡុង អនុប្រធាននាយកដ្ឋាននគរបាលចរាចរណ៍ និងសណ្តាប់ធ្នាប់បានប្រាប់ឲ្យដឹងនៅក្នុងសន្និសីទកាសែតនាល្ងាចនេះថា «យោងតាមរបាយការណ៍បូកសរុបលទ្ធផលនៃការអនុវត្តច្បាប់ចរាចរណ៍ផ្លូវគោនៅថ្ងៃទី១២ខែមករា គឺឃើញថា ត្រឹមតែរយៈពេល១២ថ្ងៃប៉ុណ្ណោះ ប្រជាពលរដ្ឋ បានយកយានយន្តទៅធ្វើស្លាកលេខបានចំនួន ១៦៨៩១គ្រឿង ក្នុងនោះ មានរថយន្ត ៥៤៣គ្រឿង។ ចំនែកយានយន្តដែលយកទៅបង់ពន្ធគយវិញ មានចំនួន៩៧៨គ្រឿង ក្នុងនោះមានរថយន្ត ១៣គ្រឿង»។
យោងតាមលទ្ធផលត្រួតពិនិត្យការអនុវត្តច្បាប់ចរាចរណ៍ផ្លូវគោកថ្មីដែលអង្គភាព Fresh Newsទទួលបាននៅល្ងាចថ្ងៃដដែលនេះដែរ បានបង្ហាញឲ្យឃើញថា សម្រាប់មធ្យោបាយបទល្មើស លើម៉ូតូ មាន៧៧,៩១៧គ្រឿង ស្មើ៥៧%។ ចំណែកម៉ូតូដែលបានធ្វើការអប់រំមាន៣៦,៣៣០គ្រឿង ស្មើ៥២ភាគរយ។ រីឯពិន័យវិញ មាន៣២,៤២៦គ្រឿង បង់ប្រាក់បាន៧៧ភាគរយ។
សម្រាប់របាយការណ៍ នៅថ្ងៃទី១២ខែមករាវិញ បានបង្ហាញឲ្យដឹងថា សម្រាប់មធ្យោបាយបទល្មើស លើម៉ូតូ មាន៩,១៦១គ្រឿង ស្មើ៦៥ភាគរយ។ចំនែកម៉ូតូ ដែលអប់រំ មាន៤,៣២០គ្រឿង ស្មើ៤៧ភាគរយ។ រីឯពិន័យវិញ មាន៣,២៩៣គ្រឿងបង់ប្រាក់បាន៦៨ភាគរយ៕
