(ភ្នំពេញ)៖ រនាំងដែកបែងចែកទ្រូងផ្លូវ ចំនួន៥ផ្ទាំង បានបាក់ខ្ទិចខ្ទីដោយសារបុរសជនជាតិចិនស្រវឹងស្រា បានបើករថយន្តទៅបុកនៅវេលាម៉ោង ១៖២០នាទីរំលងអាធ្រាត្រឈានចូលថ្ងៃទី០៨ ខែមករា ឆ្នាំ២០១៦ ត្រង់ស្តុបបូកគោ តាមបណ្តោយមហាវិថីព្រះមនីវង្ស ស្ថិតក្នុងសង្កាត់បឹកេងកងទី២ ខណ្ឌចំការមន។
ភ្នាក់ងារ Fresh News បានរាយការណ៌ថានៅម៉ោងខាងលើ គេបានឃើញបុរសជនជាតិចិនដែលស្រវឹនោះបានបើករថយន្តមួយគ្រឿងម៉ាក Toyota Tacoma ពណ៌សស្លាកលេខភ្នំពេញ2AF-8501លើវិថីព្រះមុនីវង្ស ក្នុងទិសដៅពីជើងទៅត្បូង លុះបើកមកដល់ចំណុចកើតហេតុ រថយន្តបានរេទៅបុករនាំងដែកបណ្តាលឲ្យបាក់អស់៥ផ្ទាំងតែម្តង។
ក្រោយពីបុកហើយបុរសជនជាតិចិនរូបនោះ មិនបានឈប់រថយន្តទេ គឺព្យាយាមបើករត់បានជាង២គីឡូម៉ែត្រទើបកម្លាំងសមត្ថកិច្ចរបស់ខណ្ឌចំការមន ដេញចាប់បានទាំងរថយន្តនិងអ្នកបើកបរ។
បន្ទាប់ពីចាប់បានទាំងអ្នកបើកបរ និងរថយន្តត្រូវកម្លាំងសមត្ថកិច្ចបញ្ជួនបន្តទៅកាន់ការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីចាត់ការទៅតាមផ្លូវច្បាប់៕
