(ភ្នំពេញ)៖ ដើម្បីចូលរួមទប់ស្កាត់ការរាតត្បាតនៃជំងឺកូវីដ១៩ និងកាត់បន្ថយកាចេញទៅក្រៅផ្ទះ ដែលជាមូលហេតុនៃការឆ្លង និងចម្លងមេរោគ លោកស្រី Samantha Clayton, OLY, ISSA-CPT អនុប្រធានផ្នែកការសម្តែងកីឡា និងកាយសម្បទានៃក្រុមហ៊ុនហើប៊ឡាយហ្វ៍ បានសំណូមពរដល់ពលរដ្ឋទាំងអស់ ដើម្បីផ្លាស់ប្តូររបៀប រស់នៅយ៉ាងគំហុក ក៏ដូចជាកាត់បន្ថយភាពតានតឹងផ្លូវចិត្ត ត្រូវបន្តប្រុងប្រយ័ត្នរក្សាខ្លួនមិនឲ្យឆ្លងមេរោគ ដោយប្រើពេលវេលាដែលមិនបានចេញទៅក្រៅ សម្រាប់ថែទាំខ្លួនឲ្យបានច្រើនជាងមុន និងផ្តោត អារម្មណ៍លើទម្លាប់ថែរក្សាកាយសម្បទា តាមរយៈការហាត់ប្រាណនៅតាមផ្ទះ៥ប្រភេទ ដែលធ្វើឱ្យមានសុខភាពល្អ។

លោកស្រី Samantha Clayton បានបន្ថែមថា ដើម្បីទប់ស្កាត់ការរាតត្បាតនៃមេរោគកូវីដ១៩ លោកសំណូមពរឱ្យមានការកាត់បន្ថយការចេញក្រៅផ្ទះ ក៏ដូចជាកន្លែងហាត់ ប្រាណ នានាទូទាំងប្រទេសត្រូវបានផ្អាកជាបណ្តោះអាសន្ន ដោយមូលហេតុកន្លែងហាត់ប្រាណដែលមានមនុស្សជាច្រើនជួបជុំ ជាកន្លែងដែលងាយរង នឹងការរាលដាល មេរោគខ្លាំង។

ខាងក្រោមនេះជាលំហាត់ប្រាណចំនួន ៥ប្រភេទ ដែលលោកអ្នកអាចធ្វើនៅក្នុងផ្ទះបាន។ ប្រសិនបើលោកអ្នកចាប់អារម្មណ៍ស្វែងយល់បន្ថែម អំពីលំហាត់ប្រាណងាយៗ បន្ថែមទៀតដើម្បីអនុវត្ត ខ្លួនឯង នៅក្នុងផ្ទះ អាចចូលទៅតាមលីងកាយសម្បទាឥតគិតថ្លៃតាមរយៈ https://herbalifenutritionfitness.com ។ ការធ្វើដដែលៗ៖ ធ្វើកាយវិការនៃលំហាត់ប្រាណ១០ទៅ១២ដង ធ្វើលំហាត់នីមួយៗឡើងវិញឲ្យបាន ៤ដងដើម្បីឲ្យគ្រប់ថេរវេលា ប្រមាណ២០នាទី

*ទី១៖ ខ្លួនផ្ងារដោយដៃជើងទាំង ៤ទ្រទម្ងន់ខ្លួន (Triceps dip with reach) លំហាត់នេះពង្រឹងសាច់ដុំដើមដៃ និងស្មា៖ អង្គុយនៅលើដី ឬក៏កម្រាលឲ្យជង្គង់កោងបន្តិច, ដាក់ដៃរបស់អ្នកទៅក្រោយឲ្យម្រាមបែរចំខ្លួនរបស់អ្នក, លើកគូទឡើងពីដី/កម្រាលទ្រខ្លួនដោយដៃ និងជើង, បន្ទន់កែងដៃរហូតដល់គូទអ្នកប៉ះដី រួចងើបគូទឡើងមកវិញ ជាឥរិយាបទដើម្បីចាប់ផ្តើម, ប្រសិនបើលោកអ្នកចង់ខ្លាំងជាងនេះ លោកអ្នកលើកជើងឆ្វេងហើយយកដៃស្តាំឈោងចាប់ បន្ទាប់មកប្តូរជើង និងដៃ។

*ទី២៖ អាវ៉ង់ (Push ups) នេះគឺជាលំហាត់ពេញមួយរាងកាយ តម្រូវឲ្យមានការប្រើសាច់ដុំច្រើនកន្លែង៖ ដេកផ្កាប់មុខទៅនឹងដី ដាក់ប្រអប់ដៃទៅលើដី ចម្ងាយពីដៃម្ខាង ទៅម្ខាង ប្រហាក់ប្រហែលនឹងចម្ងាយស្មាម្ខាងទៅម្ខាងដែរ, ដាក់ម្រាមជើងលើដី និងប្រអប់ជើងឆ្ងាយពីគ្នាបន្តិច, ងើបខ្លួនដោយប្រើដៃ, ពីក្បាលដល់កែងជើងត្រូវឲ្យស្មើ ប្រឹងក្បាលពោះដើម្បីកុំឲ្យចង្កេះធ្លាក់។ ធ្វើជំហរបែបនេះពីចាប់ផ្តើមរហូតដល់ទីបញ្ចប់នៃអាវ៉ង់ម្តង បន្ទាបទ្រូងរបស់អ្នកចុះក្រោមដោយបត់កែងដៃដូចពេលអ្នកចាប់ផ្តើមដែរ។

*ទី៣៖ គេងផ្ងារលើកជង្គង់ និងដៃ (Hands and knees balance with crunch) លំហាត់មួយនេះពង្រឹងតុល្យភាព និងសាច់ដុំក្បាលពោះ៖ គេងផ្ងារ ប្រអប់ដៃដាក់ទៅលើ ស្មើនឹងស្មាជង្គង់លើកមកស្មើនឹងត្រកៀក។ រក្សាខ្នងឲ្យត្រង់ ឈោងដៃស្តាំទៅរកជើងឆ្វេង លើកជង្គង់មកដាក់លើដើមទ្រូង ធ្វើយ៉ាងណាឲ្យកែងដៃប៉ះនឹងជង្គង់, ធ្វើដូច្នេះ១០ ដង រួចដូរដៃ និងជើង

*ទី៤៖ អង្គុយចោងហោង (Squat) លំហាត់នេះធ្វើចលនាសឹងគ្រប់សាច់ដុំលើរាងកាយ ជាពិសេសសាច់ដុំត្រកៀក និងជើង៖ ឈរកន្ធែកជើងបន្តិច ត្រកៀកត្រង់លើជង្គង់ ហើយជង្គង់ត្រង់នៅពីលើកជើង។ លាដៃឲ្យត្រង់ស្មើនឹងដី បាតដៃផ្កាប់ចុះ។ ចាប់ផ្តើមដោយជំហរបែបនេះប្រសិនបើអ្នកនឹងអង្គុយចុះទៅលើកៅអី។ នៅពេលដែលអ្នកបន្ទន់ ត្រកៀក ត្រូវរក្សាទ្រូង និងស្មាឈរឲ្យត្រង់ ហើយបន្ទាប់មកងើបឈរត្រង់វិញ។ ក្បាលឲ្យត្រង់បែរទៅមុខ ភ្នែកឲ្យត្រង់ទៅមុខ ដើម្បីរក្សាលំនឹងឆ្អឹងខ្នង, ការអង្គុយចោងហោង ដ៏ល្អបំផុតធ្វើឲ្យអ្នកមានចលនាដងខ្លួនល្អ។ អង្គុយចោងហោងរហូតដល់ត្រកៀកធ្លាក់ចុះទាបជាងជង្គង់, រក្សាលំនឹងដោយរក្សាទម្ងន់នៅលើកែងជើង ហើយងើបឈរវិញ ដោយរុញច្រានកម្លាំងតាមរយៈកែងជើង។

*ទី៥៖ ដាក់ជើងទៅក្រោយរួចលើកជង្គង់ឡើងមកមុខ ( Reverse Lunge with knee lift ) លំហាត់នេះជួយពង្រឹងសាច់ដុំជើងទាំងមុខទាំងក្រោយ៖ ពើងទ្រូងឡើង ងើយចង្ការឡើង ប្រឹងសាច់ដុំក្បាលពោះ ឈានជើងឆ្វេងទៅក្រោយឲ្យខ្លាំង។ បន្ទន់ខ្លួនបន្តិចរហូតជង្គង់ក្រោយអ្នកចង្អុលទៅដី។ ម្រាមជើងឆ្វេង ទប់ទម្ងន់។ រក្សាជើងខាងមុខ ឲ្យស្ងៀម នៅពេលអ្នកលើកជង្គង់ក្រោយមកមុខរួចទុកបែបនេះប៉ុន្មានវិនាទី ហើយធ្វើម្តងទៀតរួចប្តូរជើង។

ចូរប្រើប្រាស់ពេលវេលាដ៏លំបាកនេះដើម្បីថែទាំខ្លួនឯង និងឆ្លៀតពេលរក្សាសុខភាព។ សូមកុំធ្វើឲ្យខ្លួនឯងបាត់បង់នូវអត្ថប្រយោជន៍ដ៏អស្ចារ្យពាក់ព័ន្ធនឹងលំហាត់ប្រាណ។ ចូរចងចាំថា ប្រសិនបើលោកអ្នកឈឺ ហើយចង់ហាត់ប្រាណត្រូវចេះស្តាប់រាងកាយខ្លួនឯង សូមមេត្តាកុំប្រឹងខ្លាំងពេកពេលលំហាត់ប្រាណ បើពុំដូច្នោះទេលោកអ្នក អាចប្រឈមនឹងកម្សោយប្រព័ន្ធការពារខ្លួនទៅវិញទេ៕