(​ឥណ្ឌា​)៖ ជើងហោះហើរ​មួយ​គ្រឿង​របស់​ក្រុមហ៊ុន​អាកាសចរណ៍​តួ​ក​គី ក្នុង​គោលបំណង​ឆ្ពោះទៅ​កាន់​ទីក្រុង Istanbul ប្រទេស​តួ​ក​គី ត្រូវ​បាន​ហៅ​ត្រឡប់មក​ពី​ផ្លូវ​ហោះ​ឡើង នៅ​អាកាស​យាន្ដដ្ឋាន​ក្នុង​ទីក្រុង Mumbai ប្រទេស​ឥណ្ឌា​វិញ នៅ​ព្រឹក​ថ្ងៃ​ចន្ទ​នេះ បន្ទាប់​ពី​ទូរស័ព្ទ​មិន​មាន​ម្ចាស់​មួយគ្រឿង ត្រូវបាន​រកឃើញ​នៅលើ​កៅអី នៃ​យន្តហោះ​ប្រភេទ Boeing 777 នេះ​បើ​តាម​ព័ត៌មាន NDTV របស់​ឥណ្ឌា​ចេញផ្សាយ​នៅ​ថ្ងៃទី​៤ ខែ​មករា ឆ្នាំ​២០១៦​នេះ​។

​យន្តហោះ​ត្រូវបាន​វិលត្រឡប់ មក​កាន់​កន្លែង​ឈប់​វិញ ហើយ​គ្រប់​អ្នកធ្វើ​ដំណើរ​ទាំងអស់ ត្រូវ​បានឲ្យ​ចេញពី​យន្ត​ហោះ ដើម្បី​ធ្វើ​ការត្រួតពិនិត្យ ឲ្យបាន​ម្មត់ចត់​។ «​ជើងហោះហើរ​របស់​ក្រុមហ៊ុន​អាកាសចរណ៍​តួ​ក​គី ឆ្ពោះទៅ​កាន់​ទីក្រុង Istanbul ត្រូវ​បាន​ហៅ​មក​ពី​ផ្លូវ​ហោះ​ឡើងវិញ នៅ​ឯអាកាស​យាន្តដ្ឋាន Mumbai បន្ទាប់​ពី​វត្ថុ​គួរឲ្យ​សង្ស័យ​មួយ ត្រូវបាន​គេ​រកឃើញ​នៅលើ​យន្តហោះ​»​។ នេះ​បើ​តាម​សម្តី​អ្នកនាំពាក្យ​អាកាស​យាន្តដ្ឋាន Mumbai បាន​បញ្ជាក់​យ៉ាង​ដូច្នេះ​។​

​ប្រភព​ខាងលើ​បន្តថា វា​គឺជា​ទូរស័ព្ទ​ចល័ត​មួយគ្រឿង ដែល​បង្ខំ​ឲ្យ​អ្នកបើកបរ​យន្តហោះ វិលត្រឡប់​មក​កាន់​កន្លែ​ងឈប់ របស់​យន្តហោះ​វិញ​។ បន្ទាប់ពី​មាន​ការត្រួតពិនិត្យ​ច្បាស់លាស់ យន្តហោះ​ត្រូវបាន​អនុញ្ញាត​ឲ្យ​ហោះហើរ​ធម្មតា​វិញ​៕