កម្លាំងគយចល័តចុះឆែកឆេរហាងលក់ទូរស័ព្ទដៃ គួង អ៉ី និងហាងមួយចំនួនទៀត រកឃើញទូរស័ព្ទអត់ពន្ធរាប់រយគ្រឿង
02-01-2016 19:07
(ភ្នំពេញ)៖ នៅរសៀលថ្ងៃទី០២ ខែមករា ឆ្នាំ២០១៦នេះ កម្លាំងគយចល័តបានចុះឆែកឆេរនៅហាងលក់ទូរស័ព្ទ គួង អ៉ី និងហាងមួយចំនួនទៀតនៅរាជធានីភ្នំពេញ ដោយរកឃើញទូរស័ព្ទដៃអត់បង់ពន្ធរាប់រយគ្រឿង នេះបើយោងតាមព័ត៌មានពីមន្រ្តីគយ។
ក្រៅពីការចុះចាប់ហាងលក់ទូរស័ព្ទអត់ពន្ធ គួង អ៉ី ក៏មានហាងមួយចំនួនទៀតត្រូវបានចូលឆែកឆេរផងដែរ ដែលស្ថិតនៅក្បែរហាង គួង អ៉ី នោះ គឺហាងឈ្មោះ ស្ទឹងរ៉ូយ៉ាល់ ស្ថិតនៅចំងាយប្រមាណ៥០ម៉ែត ពីហាង គួង អ៉ី នៅតាមបណ្តោយផ្លូវ២១៥ សង្កាត់ផ្សាដេប៉ូ២ ខណ្ឌទួលគោក រាជធានីភ្នំពេញ។
សូមជំរាបថា ហាងលក់ទូរស័ព្ទ គួង អ៉ី គឺជាហាងដ៏ល្បីមួយនៅរាជធានីភ្នំពេញ៕