(ឧត្តរមានជ័យ)៖ ជម្លោះដណ្តើមប្តីមួយបានកើតឡើង រហូតប្រពន្ធដើម និងប្រពន្ធចុង កើតអំពើហិង្សា ហើយឈានទៅដល់ការកាប់ប្រហារ បណ្តាលឲ្យម្នាក់ដាច់ស្លឹកត្រចៀក និងម្នាក់ទៀត​ដាច់ម្រាមដៃ ដែលករណីនេះ បានកើតឡើងនៅថ្ងៃទី៣១ ខែធ្នូ ឆ្នាំ២០១៥ ស្ថិតនៅភូមិ តាមាន់សែនជ័យ ឃុំគោកមន ស្រុកបន្ទាយអំពិល ខេត្តឧត្តរមានជ័យ។

មន្រ្តីនគរបាលមូលដ្ឋានបានឲ្យដឹងថា ប្រពន្ធដើម ឈ្មោះ មូល ងិុ អាយុ​៤២​ឆ្នាំ ដាច់ម្រាមដៃខាងឆ្វេងចំនួន ០៣​ម្រាម និងប្រពន្ធចុង ឈ្មោះ សេង សា អាយុ​៣៩​ឆ្នាំ ដាច់ស្លឹកត្រចៀកខាងឆ្វេង។

ជនរងគ្រោះទាំង​ពីរ នាក់ ត្រូវបានសាច់ញាតិ និង​ប្តី បញ្ជូនទៅសង្គ្រោះទាំង​ពី​រនាក់នៅមន្ទីរសុខភាព តាមាន់ និងមន្ទីរសុខភាពឈូក។

យ៉ាងណាក៏ដោយមិនទាន់​អាចស្វែងរក ការបញ្ជាក់ពីសមត្ថកិច្ច អំពីដំណើរលំអិតដែលនាំ​ឲ្យ​ឈានទៅដល់ការ​កាប់ប្រហារគ្នានេះនៅឡើយទេ ៕