(ភ្នំពេញ)៖ នៅថ្ងៃទី១២ ខែមីនា ឆ្នាំ២០២០ នៅសាលប្រជុំសេនាធិការដ្ឋាន នៃបញ្ជាការដ្ឋានកងរាជអាវុធហត្ថលើផ្ទៃប្រទេស បានរៀបចំពិធីប្រគល់សញ្ញាបត្រមន្ត្រីគរបាលយុត្តិធម៌ ដល់សិក្ខាកាមវគ្គបណ្ដុះបណ្តាល មន្ត្រីនគរបាលយុត្តិធម៌ជំនាន់ទី២៣។

ពិធីនេះបានធ្វើឡើងក្រោមអធិបតី នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស ដោយមានការអញ្ជើញចូលរួម ពីសំណាក់ ឧត្តមសេនីយ៍, មេបញ្ជាការរង, នាយ នាយរងសេនាធិការដ្ឋាន, ស្នងការ ស្នងការរង, នាយកវិទ្យាស្ថាន, នាយកមជ្ឈមណ្ឌល,នាយការិយាល័យ, មេបញ្ជាការកងអន្តរាគមន៍ ព្រមទាំងសិក្ខាកាមជាច្រើនរូបផងដែរ៕