(ភ្នំពេញ)៖ ដើម្បីអបអរសាទរទិវានារីអន្តរជាតិ ៨ មីនា ខួបលើកទី១០៩ ឆ្នាំ២០២០ ក្រោមប្រធានបទ «មានសន្តិភាព មានការលើកកម្ពស់ សមភាពយេនឌ័រ» ផ្ទាំងគំនូរ «កែវភ្នែកនៃសេចក្តី មេត្តាជាស៊េរី នៃគំនូរប្រេងលើផ្ទាំងក្រណាត់ពីរូបឆ្មា» របស់ស្ត្រីខ្មែរ គឺកញ្ញា កឹម កែវសុជាតិ ដែលស្នាដៃ របស់នាងត្រូវបានបង្ហាញ តាមរយៈការតាំងពិព័រណ៍ដំបូង របស់សិល្បករខ្មែរ។
ពិធីតាំងពិព័រណ៍ផ្ទាំងគំនូរនេះ បានធ្វើឡើងនាព្រលប់ថ្ងៃទី៨ ខែមីនា ម្សិលមិញ ដោយមានការអញ្ជើញចូលសំណាក់តំណាងស្ថានទូតស្វ៊ីស អូស្ត្រាលី និងមាននិសិត្សតាមបណ្តាសាលកវិទ្យាល័យ និងអ្នកសិល្បករគំនូរដ៏ទៃទៀត នៅអគារហ្វេកទូរី មានទីតាំងនៅសង្កាត់ចអង្រែ ខណ្ឌមានជ័យ រាជធានីភ្នំពេញ។
កញ្ញា កឹម កែវសុជាតិ បានកើតលើទឹកដីដ៏ស្រស់ស្អាត គឺខេត្តកំពត ក្នុងឆ្នាំ១៩៩៣ ដោយសង្កេតឃើញការស្រឡាញ់ ចំពោះធម្មជាតិរបស់គាត់ តាមផ្ទាំងគំនូរទេសភាពប៉ុន្តែអ្វីដែលគួរ ឱ្យកត់សម្គាល់បំផុតនោះ គឺចំណង់ចំណូលចិត្ត របស់សុជាតិ ចំពោះសត្វ និងសុខុមាលភាពរបស់ពួកគេ ដែលជាប្រធានបទសិល្បៈរបស់នាង។ សុជាតិ គឺជាអ្នកគាំទ្រ ស្រឡាញ់សត្វ និងលើកកម្ពស់ការយល់ដឹងអំពីការព្យាបាលសត្វ។
កញ្ញា កឹម កែវសុជាតិ បានបញ្ចប់ការសិក្សាពីសាកលវិទ្យាល័យភូមិន្ទវិចិត្រសិល្បៈ ក្នុងឆ្នាំ២០១៨។ នៅពេលសិក្សានាងបានទៅទស្សនាថែវជាច្រើន ហើយចំណាយពេលជាច្រើនម៉ោង ដើម្បីស្វែងរកនិងអភិវឌ្ឍ «អត្តសញ្ញាណ» នៃគំនូររបស់នាង។ បន្ទាប់ពីបញ្ចប់ការសិក្សានាង បានលះបង់ពេលវេលា ដើម្បីអភិវឌ្ឍក្នុងការតាំងពិព័រណ៍ដំបូងរបស់នាង។
កែវភ្នែកនៃមេត្តាបង្ហាញពីជំនាញ និងការច្នៃប្រឌិត របស់គាត់ដោយមានស្នាដៃសិល្បៈជាង២៩ អំពីរូបសត្វឆ្មាដែលលាបពណ៌ឆ្មា តាមបច្ចេកទេសផ្ទាល់របស់នាង។ សំខាន់ជាងនេះទៅទៀត សុជាតិ ចង់ប្រើស្នាដៃសិល្បៈរបស់នាងធ្វើជាយាន ដើម្បីលើកកម្ពស់ ការយល់ដឹងអំពីសិទ្ធិសត្វនៅកម្ពុជា។ គំនូរបំពុលទីក្រុង និងការធ្វើបាបមាននៅក្នុងស្នាដៃសិល្បៈរបស់គាត់ ប៉ុន្តែ វិចិត្រកររូបនេះ ពុំមានភាពអវិជ្ជមាន ហើយគាត់ទុកឱកាសឱ្យអ្នកទស្សនាជាអ្នកអង្កេតពិចារណា៕
