(ភ្នំពេញ)៖ អាជីវករលក់គ្រឿងអគ្គិសនីនៅស្រុកបវេល ខេត្តបាត់ដំបង លោក ជា ប៊ុនរឿន មានសំណាងគាស់ឈ្នះ៥០លានរៀលពី ស្រាបៀរ កម្ពុជា កាលពីពេលថ្មីៗនេះ ធ្វើឱ្យកង្វល់ផ្នែកជំនួញរបស់លោកត្រូវបានដោះស្រាយយ៉ាងធូរ។
លោករៀបរាប់ថា៖ «ម៉ោងប្រហែល៧យប់ ខ្ញុំ និងមិត្តភ័ក្តិ៥នាក់ជុំគ្នាហូប ស្រាបៀរ កម្ពុជា។ ខ្ញុំទិញប្រហែល២កេស ហើយគិតតែហូប និងគាស់ក្រវិលទុកអត់ទាន់មើលទេ ស្រាប់តែភ្លឺឡើងខ្ញុំប្រមូលយកមកមើលទើបដឹងថាឈ្នះរង្វាន់ធំបានខ្ញុំអរអើយអរ»។
លោកថា៖ «ទឹកប្រាក់សំណាងនេះ ខ្ញុំនឹងយកទៅបង្វិលសងដេប៉ូអីវ៉ាន់ ដើម្បីបន្តការរកស៊ីឱ្យរលូនទៅមុខទៀត ព្រោះដូចជំពាក់គេយូរដែរហើយ ល្មមនឹងដេប៉ូៗអីវ៉ាន់គេរអ៊ូដែរ។ ពេលនេះអស់ភ័យ អស់ព្រួយហើយ»៕
ពិសាដោយការទទួលខុសត្រូវ!
