(ភ្នំពេញ)៖ នៅរសៀលថ្ងៃទី១៨ ខែមករា ឆ្នាំ២០២០ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស-មេបញ្ជាការ កងរាជអាវុធហត្ថរាជធានីភ្នំពេញ អមដំណើរដោយ មេញ្ជាការរង, នាយរងសេនាធិការ,នាយការរិយាល័យ និងបងប្អូននាយអាវុធហត្ថជាច្រើនរូបទៀត បានចុះទៅសួរសុខទុក លោកវរសេនីយ៍ទោ អៀង សាក់ឡូ នាយរងសេនាធិការដ្ឋាន កងរាជអាវុធហត្ថរាជធានីភ្នំពេញ ដែលមាន ជំងឺទឹកនោមផ្អែម ឡើងជាតិស្កក្នុងកម្រិតធ្ងន់ធ្ងរ ដំបៅរលួយម្រាមជើងទាំងសងខាង កំពុងសម្រាកព្យាបាល នៅមន្ទីរពេទ្យកាល់ម៉ែត។
ក្នុងឱកាសសួរសុខទុក្ខនោះផងដែរ លោកឧត្តមសេនីយ៍ឯក រ័ត្ន ស្រ៊ាង បានបង្ហាញនូវក្តីព្រួយបារម្ភជាខ្លាំង ចំពោះសុខភាព លោកវរសេនីយ៍ទោ អៀង សាក់ឡូ និងបានយកចិត្តទុកដាក់លើកទឹកចិត្តអ្នកជម្ងឺ ឲ្យនៅសម្រាកព្យាបាលរហូតដល់ បានធូរស្បើយ មានកម្លាំងឡើងវិញ ចាំចូលបម្រើការងារជូនអង្គភាព រីឯថ្លៃចំណាយលើ សេវាព្យាបាល អង្គភាពនឹងទទួលខុសត្រូវ ធានារ៉ាប់រង៕
