(ភ្នំពេញ)៖ លោក ពេជ្រ ស្រស់ ប្រធានគណបក្សយុវជនកម្ពុជា បានថ្លែងថា អ្នកនយោបាយគួរកុំពាក់មុខយក្សដាក់គ្នា ហើយត្រូវប្រកួតប្រជែងគ្នាតែលើគោលនយោបាយបានហើយ ដោយមិនត្រូវបញ្ឆេះឲ្យអ្នកគាំទ្រឱ្យស្អប់លើបុគ្គលណាឡើយ។
លោកពេជ្រ ស្រស់ បានប្រាប់ Fresh News យ៉ាងដូច្នេះថា៖ «ពួកយើង ជាអ្នកនយោបាយជំនាន់ក្រោយមិនគួរពាក់មុខយក្សដាក់គ្នានោះទេ គឺត្រូវចេះស្គាល់គ្នាជាខ្មែរតែមួយ ហើយពួកយើងក៏គួរតែប្រកួតប្រជែងគ្នានៅលើគោលនយោបាយ បានហើយ ដោយមិនចងគំនុំផ្ទាល់ខ្លួន ឬ បញ្ឆេះឲ្យអ្នកគាំទ្ររបស់ខ្លួនស្អប់លើបុគ្គលណាមួយនោះឡើយ»
លោកបានបញ្ជាក់ថា៖ ដូច្នេះនយោបាយនាំឲ្យជាតិរីកចម្រើន និងប្រជាបានសុខ គឺនយោបាយរួបរួម សាមគ្គី និងជំទាស់គ្នាក្នុងន័យស្ថាបនាជាតិ ទើបកម្ពុជាយើងឈ្នះ។
សារនយោបាយរបស់ អ្នកនយោបាយវ័យក្មេងនេះ បានធ្វើឡើងបន្ទាប់ពីក្រុមឧទ្ទាម បានបញ្ឆេះកំហឹងប្រជាពលរដ្ឋឱ្យស្អប់ខ្ពើមរាជរដ្ឋាភិបាល៕
