(ភ្នំពេញ)៖ ក្រសួងសុខាភិបាល បានប្រកាសប្រព័ន្ធទូរស័ព្ទចំនួន៣ខ្សែបន្ថែមទៀត ក្រៅពីលេខ ១១៩ ដើម្បីទទួលបានការសង្គ្រោះបន្ទាន់ និងសង្គ្រោះបឋម ពេលមានបញ្ហាសុខភាព អំឡុងមកដំណើរកំសាន្ដ និងទស្សនាការប្រណាំងទូក ក៏ដូចជាការប្រគំតន្រ្ដីជាដើមនៅរាជធានី ក្នុងឱកាសព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ដែលឈានមកដល់ នៅថ្ងៃទី១០-១១-១២ ខែ វិច្ឆិកា ឆ្នាំ២០១៩នេះ។

រដ្ឋលេខាធិការក្រសួងសុខាភិបាល លោកស្រីវេជ្ជបណ្ឌិត ឱ វណ្ណឌីន បានថ្លែងថា ដើម្បីបង្កើនឱកាសភាពសប្បាយ ដោយគ្មានក្តីបារម្ភពីសុខភាព ក្រសួងសុខាភិបាល ក្រោមការដឹកនាំរបស់រដ្ឋមន្ត្រី ម៉ម ប៊ុនហេង បានចាត់មន្ត្រី និងក្រុមគ្រូពេទ្យរបស់ខ្លួន ទូទាំងប្រទេស ត្រៀមលក្ខណៈដើម្បីផ្តល់សេវាថែទាំសុខភាពជូនប្រជាពលរដ្ឋដោយឥតគិតថ្លៃ។

លើសពីនោះ ក្រសួងសុខាភិបាល ក៏បានផ្តល់សារអប់រំសុខភាព ទាំងការដើរ ឈរ អង្គុយ និងការបរិភោគ និងប្រព័ន្ធ ទូរស័ព្ទសម្រាប់ព័ត៌មានបន្ថែមចំនួន៣ខ្សែទៀតរួមមាន៖
* លោកវេជ្ជបណ្ឌិត សុខ ស៊្រុន ដែលមានលេខទូរស័ព្ទ៖ ០១២ ៩១២ ១២២
* លោកវេជ្ជបណ្ឌិត នាង ភារិទ្ធ៖ ០១២ ៥៩១ ៧៧៧,
* លោកបណ្ឌិត ងី មានហេង ៖ ០១១ ៨៤៨ ៦៨៧

សូមទស្សនាវីដេអូ អប់រំសុខភាព ពីរដ្ឋលេខាធិការ និងជាអ្នកនាំពាក្យ ក្រសួងសុខាភិបាល លោកស្រីវេជ្ជបណ្ឌិត ឱ វណ្ណឌីន ដូចខាងក្រោមនេះ៖