(ភ្នំពេញ)៖ សាកលវិទ្យាល័យធនធានមនុស្ស បានប្រកាសជូនដំណឹង ដល់និស្សិតថ្នាក់បរិញ្ញាបត្រជាន់ខ្ពស់ ជំនាន់ទី១០-១១ ថ្នាក់បរិញ្ញាបត្រជំនាន់ទី១៤-១៥ និងថ្នាក់បរិញ្ញាបត្ររង ជំនាន់ទី១៦-១៧ ដែលបានបញ្ចាប់ការសិក្សាឆ្នាំ២០១៧-២០១៨ និងឆ្នាំ២០១៨-២០១៩ កន្លងទៅឱ្យដឹងថា សាកលវិទ្យាល័យនឹងរៀបចំពិធីប្រគល់សញ្ញាបត្រ នាថ្ងៃទី១៨ ខែវិច្ឆិកា ឆ្នាំ២០១៩ ខាងមុខនេះ។

បើតាមសាកលវិទ្យាល័យធនធានមនុស្ស កម្មវិធីប្រគល់សញ្ញាបត្រនេះ នឹងធ្វើឡើងនៅវិទ្យាស្ថានជាតិអប់រំ (NIE) ក្រោមអធិបតីភាពសម្តេចតេជោ ហ៊ុនសែន នាយករដ្ឋមន្ត្រីកម្ពុជា។

សម្រាប់និស្សិតដែលនឹងត្រូវទទួលសញ្ញាបត្រ ត្រូវទៅកាន់សាកលវិទ្យាល័យធនធានមនុស្ស ត្រឹមថ្ងៃទី១៥ ខែវិច្ឆិកា ឆ្នាំ២០១៩នេះ ដើម្បីទទួលព័ត៌មានលម្អិត និងធ្វើការទំនាក់ទំនងនៅសាកលវិទ្យាល័យ តាមរយៈទូរស័ព្ទលេខ៖ 017 850 708 / 086 241 255 / 017 807 107 / 093 807 107៕