(ព្រះសីហនុ)៖ កម្លាំងរាជអាវុធហត្ថខេត្តព្រះសីហនុ បានឃាត់ខ្លួនជនជាតិចិនម្នាក់ ពាក់ព័ន្ធនឹងបទល្មើសលួចរថយន្តមួយគ្រឿងម៉ាក HUMER របស់ជនជាតិចិនដូចគ្នា នៅក្រុងព្រះសីហនុ ខេត្តព្រះសីហនុ កាលពីយប់ថ្ងៃទី២៣ ខែតុលា ឆ្នាំ២០១៩នេះ។

មន្ត្រីអាវុធហត្ថខេត្តព្រះសីហនុ បានឲ្យដឹងនៅរសៀលថ្ងៃទី២៤ ខែតុលា ឆ្នាំ២០១៩នេះថា កាលពីយប់ថ្ងៃទី២៣ ខែតុលា កម្លាំងអាវុធហត្ថខេត្តទទួលបានព័ត៌មានករណីលួច រថយន្ដចំនួន ១គ្រឿងម៉ាក HUMMER ពណ៌ទឹកដោះគោ ពាក់ស្លាកលេខភ្នំពេញ 2M-1177 នៅក្រុម៧ ភូមិ៥ សង្កាត់លេខ៤ ក្រុងព្រះសីហនុ ពេលនោះកម្លាំងកងរាជអាវុធហត្ថខេត្ត ក្រោមបញ្ជាពីលោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្ត បានចុះដល់កន្លែងកើតហេតុ និងបានធ្វើការស្រាវជ្រាវ ឈានដល់ការឃាត់រថយន្ត ១គ្រឿងនេះ និងឃាត់ខ្លួន ជនសង្ស័យឈ្មោះ ZhAON YAXiN អាយុ២៤ឆ្នាំ មុខរបរបុគ្គលិកកាស៊ីណូយ៉ាឌូលី នៅយានដ្ឋាន សាន យ័ន្ត ភូមិ១ សង្កាត់លេខ១ ក្រុងព្រះសីហនុ។

បច្ចុប្បន្នជនសង្ស័យជនជាតិចិន ត្រូវបានកម្លាំងការិយាលយ័បទល្មើសព្រហ្មទណ្ឌអាវុធហខេត្ត ឃាត់ខ្លួនបណ្តោះអាសន្ននៅងរាជអាវុធហត្ថខេត្ត ដើម្បីចាត់ការបន្តតាមនីតិវិធីច្បាប់៕