(កំពង់ធំ)៖ អគ្គិភ័យឆាបឆេះផ្ទះចំនួន០២ខ្នង និងឆេះតូបចំនួន០១ នៅរំលងអាធ្រាតឈានចូល ថ្ងៃទី២៣ ខែតុលា ឆ្នាំ២០១៩ ស្ថិតនៅភូមិតាំងគោក ឃុំសូយោង ស្រុកតាំងគោក ខេត្តកំពង់ធំ។
សមត្ថកិច្ចបានឲ្យដឹងថា ជនរងគ្រោះរួមមាន៖
១៖ ម្ចាស់ផ្ទះឈ្មោះ សួន សុវណ្ណរិទ្ធ ភេទប្រុសអាយុ៥៧ឆ្នាំ។ ផ្ទះប្រភេទសំណង់ ធ្វើអំពីឈើដំបូលប្រក់ក្បឿង ជញ្ជាំងក្តា ទំហំ០៦ម៉ែត្រ គុណនឹង០៧ម៉ែត្រ (ឆេះអស់ទាំងស្រុង)។
២៖ ម្ចាស់ផ្ទះឈ្មោះ គង់ ឆេងអ៊ីម ភេទស្រី អាយុ៨៧ឆ្នាំ។ ផ្ទះប្រភេទសំណង់ ធ្វើអំពីឈើ ដំបូលប្រក់ក្បឿង ជញ្ជាំងក្តា ទំហំ០៧ម៉ែត្រ គុណនឹង១២ម៉ែត្រ (ឆេះអស់ទាំងស្រុង)។
៣៖ ម្ចាស់តូបឈ្មោះ គង់ ឆេងអ៊ីម ភេទស្រី អាយុ៨៧ឆ្នាំដដែល។ តូបធ្វើអំពីសង្កសី ទំហំ០៣ម៉ែត្រ គុណនឹង០៣ម៉ែត្រ (ឆេះអស់ទាំងស្រុង) មូលហេតុបឋម ឆ្លងចរន្តអគ្គិសនី។
ករណីអគ្គិភ័យខាងលើពុំបណ្តាលឲ្យរងគ្រោះថ្នាក់ដល់មនុស្សឡើយ។
ក្នុងហេតុការណ៍នោះសមត្ថកិច្ចបានប្រើប្រាស់រថយន្តបាញ់ទឹកពន្លត់អគ្គិភ័យជួយអន្តរាគមន៍សរុបចំនួន ០៤គ្រឿង ប្រើប្រាស់ទឹកសរុបចំនួន ២៨ម៉ែត្រគូប រួមមាន៖
* រថយន្តអគ្គិភ័យរបស់ស្នងការដ្ឋាននគរបាលខេត្តចំនួន ០១គ្រឿង ប្រើប្រាស់ទឹកអស់ចំនួន០១រថយន្ត ស្មើនឹង០៤ម៉ែត្រគូប។ * រថយន្តអគ្គិភ័យរបស់អធិការដ្ឋាននគរបាលស្រុកបារាយណ៍ចំនួន ០១គ្រឿង ប្រើប្រាស់ទឹកអស់ ០៣រថយន្ត សើ្ម១២ម៉ែត្រគូប។ * រថយន្តអគ្គិភ័យរបស់អធិការដ្ឋាននគរបាលស្រុកសន្ទុកចំនួន ០១គ្រឿង ប្រើប្រាស់ទឹកអស់ចំនួន ០២រថយន្ត ស្មើនឹង០៨ម៉ែត្រគូប។ * រថយន្តអគ្គិភ័យរបស់អធិការដ្ឋាននគរបាលស្រុកជើងព្រៃ ខេត្តកំពង់ចាមចំនួន ០១គ្រឿង ប្រើប្រាស់ទឹកអស់ចំនួន ០១រថយន្ត ស្មើនឹង០៤ម៉ែត្រគូប
ក្រៅពីនេះ មានកម្លាំងចុះជួយអន្តរាគមន៍សរុប៦៧នាក់ ដឹកនាំដោយលោកវីរសេនីយ៍ឯក ហាយ គឹមហ៊ុន នាយការិយាល័យនគរបាលបង្ការពន្លត់អគ្គិភ័យ និងសង្រ្គោះ បានអន្តរាគមន៍រហូតបញ្ចប់នៅត្រឹមម៉ោង ៤ទៀបភ្លឺ ថ្ងៃដដែលនេះ៕
