(ភ្នំពេញ)៖ អង្គភាពអ្នកនាំពាក្យរាជរដ្ឋាភិបាលកម្ពុជា បានរៀបចំសន្និសីទសារព័ត៌មាន ស្ដីពី «សក្តានុពលនៃការវិនិយោគនៅកម្ពុជា» នាព្រឹកថ្ងៃទី១០ ខែតុលា ឆ្នាំ២០១៩នេះ នៅសាលប្រជុំ B នៃទីស្ដីការគណៈរដ្ឋមន្ដ្រី។ សន្និសីទនេះមានការចូលរួមពីវាគ្មិនលោក ជា វុទ្ធី អគ្គលេខាធិការង ក្រុមប្រឹក្សាអភិវឌ្ឍន៍កម្ពុជា។

សន្និសីទសារព័ត៌មាននេះ ធ្វើឡើងក្នុងគោលបំណង ដើម្បីបង្ហាញពីការរីកលូតលាស់ ការវិនិយោគនៅប្រទេសកម្ពុជា ក៏ដូចជាការទាក់ទាញវិនិយោគបន្ថែមទៀត ដោយសារតែកម្ពុជាមានសក្តានុពលខ្ពស់ សម្រាប់ការវិនិយោគគ្រប់វិស័យ។