(ភ្នំពេញ)៖ យុទ្ធនាការរឹតបន្ដឹងច្បាប់ចរាចរណ៍ទូទាំងប្រទេស សម្រាប់ថ្ងៃទី២១ ខែកញ្ញា ឆ្នាំ២០១៩នេះ កម្លាំងនគរបាលចរាចរណ៍ បានត្រួតពិនិត្យយានយន្ដចំនួនគ្រឿង១,៤២៥គ្រឿង រកឃើញយានយន្តល្មើសច្បាប់ និងផាកពិន័យចំនួន១,២២៦គ្រឿង ក្នុងនោះ មានម៉ូតូចំនួន៩៧១គ្រឿង។ នេះបើតាមរបាយការណ៍ផ្លូវការ របស់អគ្គស្នងការដ្ឋាននគរបាលជាតិ។
សម្រាប់លទ្ធផលនៃការត្រួតពិនិត្យរយៈពេល២១ថ្ងៃ ចាប់ពីថ្ងៃទី០១ ដល់ថ្ងៃទី២១ ខែកញ្ញា ឆ្នាំ២០១៩នេះ នគរបាលបានត្រួតពិនិត្យយានយន្តចំនួន៤៩,២៨៩គ្រឿង រកឃើញយានយន្តល្មើស៣២,៨៥១គ្រឿង ក្នុងនោះម៉ូតូ២៦,៣០៨គ្រឿង និងផាកពិន័យ៣១,៨៨៦គ្រឿង ក្នុងនោះម៉ូតូ២៥,៦៧៨គ្រឿង៕
