(ភ្នំពេញ)៖ អគ្គនាយកដ្ឋានគយ និងរដ្ឋាករកម្ពុជា នឹងធ្វើសន្និសីទសារព័ត៌មាន នៅវេលាម៉ោង៤រសៀល ថ្ងៃទី៣០ ខែកក្កដា ឆ្នាំ២០១៩នេះ ពាក់ព័ន្ធជាមួយការនាំចូលសំរាមពីបរទេស មកប្រទេសកម្ពុជា ហើយត្រូវបានសមត្ថកិច្ចបង្ក្រាបចំនួន៨៣កុងតឺន័រ នៅកំពង់ផែស្វ័យត ខេត្តព្រះសីហនុ។ សន្និសីទសារព័ត៌មាននេះ នឹងធ្វើឡើងនៅទីស្នាក់ការគយ និងរដ្ឋាករ ទល់មុខធនាគារជាតិនៃកម្ពុជា។
សូមបញ្ជាក់ថា កុងទឺន័រចំនួន៨៣ទូរ ដែលមានផ្ទុកកាកសំណល់សំរាមដែលគេបោះចោល លួចនាំមកពីសហរដ្ឋអាមេរិក និងប្រទេសកាណាដា ចូលកម្ពុជា ត្រូវបានកម្លាំងសមត្ថកិច្ច នៃអគ្គនាយកដ្ឋានគយ និងរដ្ឋាករ សហការជាមួយសមត្ថកិច្ចពាក់ព័ន្ធបើកប្រតិបត្តិការបង្ក្រាបបាន នៅខេត្តព្រះសីហនុ។ សំរាមប្លាស្ទិក ទាំង៨៣កុងទឺន័រ ទម្ងន់ប្រមាណ១,៦០០តោន៕
