(ភ្នំពេញ)៖ នៅវេលាម៉ោង៩៖៣០នាទីព្រឹក ថ្ងៃទី១៨ ខែកក្កដា ឆ្នាំ២០១៩នេះ អង្គភាពអ្នកនាំពាក្យរាជរដ្ឋាភិបាល នឹងរៀបចំធ្វើសន្និសីទសារព័ត៌មាន ស្តីពី «វិធានការទប់ស្កាត់បទល្មើសព្រៃឈើ» នៅជាន់ផ្ទាល់ដីសាលប្រជុំ នៃទីស្តីការគណៈរដ្ឋមន្ត្រី។

បើតាមសេចក្តីជូនដំណឹង របស់អង្គភាពអ្នកនាំពាក្យរាជរដ្ឋាភិបាល ដែលអង្គភាពព័ត៌មាន Fresh News ទទួលបាន បានឱ្យដឹងថា សន្និសីទនេះ គឺមានទិសដៅ និងគោលបំណងពន្យល់ឆ្លើយតបនឹងកង្វល់របស់ប្រជាពលរដ្ឋ ដែលកំពុងផ្តោតការយកចិត្តទុកដាក់ លើវិធានការប្រកបដោយប្រសិទ្ធភាព នៃការទប់ស្កាត់បទល្មើសព្រៃឈើ ដូចជា៖

* ទិដ្ឋភាពច្បាប់ និងវិធានការទប់ស្កាត់បទល្មើសព្រៃឈើ

* ប្រសិទ្ធភាពនៃការអនុវត្តច្បាប់ និងវិធានការនាពេលកន្លងមក

* បញ្ហាប្រឈមផ្សេងៗ។

វាគ្មិនដែលនឹងអញ្ជើញចូលរួមរួមមាន៖ តំណាងក្រសួងបរិស្ថាន, តំណាងរដ្ឋបាលព្រៃឈើ, តំណាងគណៈកម្មការជាតិ ដើម្បីទប់ស្កាត់ និងបង្ក្រាបបទល្មើសធនធានធម្មជាតិ៕