(ភ្នំពេញ)៖ សម្តេចពញាចក្រី ហេង សំរិន ប្រធានរដ្ឋសភា នឹងដឹកនាំគណៈប្រតិភូជាន់ខ្ពស់រដ្ឋសភា អញ្ជើញបំពេញទស្សនកិច្ចជាផ្លូវការ និងមិត្តភាព នៅប្រទេសវៀតណាម និងឡាវ រយៈពេល៥ថ្ងៃ ចាប់ពីថ្ងៃទី២៨ ខែឧសភា ដល់ ថ្ងៃទី០១ ខែមិថុនា ឆ្នាំ២០១៩។ នេះបើតាមសេចក្តីប្រកាសព័ត៌មាន របស់អគ្គលេខាធិការដ្ឋានរដ្ឋសភា ដែលបណ្តាញព័ត៌មាន Fresh News ទទួលបាននៅព្រឹកថ្ងៃទី២៨ ខែឧសភានេះ។

ការបំពេញទស្សនកិច្ចរបស់សម្តេច ហេង សំរិន នេះធ្វើឡើងតាមការអញ្ជើញ របស់ប្រធានរដ្ឋសភានៃប្រទេសទាំង២។ ក្នុងដំណើរទស្សនកិច្ចនោះ សម្តេចប្រធានរដ្ឋសភាកម្ពុជា នឹងជួបពិភាក្សាការងារទ្វេភាគី និងសម្តែងការគួរសម ជាមួយថ្នាក់ដឹកនាំសំខាន់ នៃប្រទេសទាំង២ផងដែរ៕

ព័ត៌មានលម្អិតសូមអានសេចក្តីប្រកាសព័ត៌មានទាំងស្រុង៖