(ភ្នំពេញ)៖ ដើម្បីអបអរដល់យុទ្ធនាការមួយឈ្មោះថា «ផ្សារភ្ជាប់ក្តីស្រឡាញ់-បង្ហាញពីការប្រែថ្មី នារដូវក្តៅរបស់អ្នក (Love Connection – Show your summer version)» ក្រុមហ៊ុនអាកាសចរណ៍ Vietjet បានប្រកាសពីការលក់សំបុត្រហោះហើរដ៏អស្ចារ្យដែលមានតម្លៃចាប់ពី ០ដុល្លារអាមេរិក (ឥតគិតថ្លៃ)រហូតដល់រាប់លានសន្លឹក សម្រាប់ទាំងផ្លូវហោះហើរអន្តរជាតិ និងក្នុងស្រុក។
ដើម្បីបន្ថែមភាពរីករាយកាន់តែខ្លាំងក្នុងពេលធ្វើដំណើរ ក្រុមហ៊ុនអាកាសចរណ៍ជំនាន់ថ្មីមួយនេះ ក៏បានអំពាវនាវឲ្យរាល់អ្នកធ្វើដំណើរទាំងអស់ ចូលរួមលេងកម្សាន្តក្នុងកម្មវិធីធ្វើព្យុហយាត្រានារដូវក្តៅរបស់ខ្លួន ផងដែរ ដោយមានការផ្តល់ជូននូវកាដូជាច្រើន នៅលើយន្តហោះរបស់ Vietjet ចាប់ពីថ្ងៃទី១ ខែមិថុនា ឆ្នាំ២០១៩ ដល់ថ្ងៃទី៣១ ខែកក្កដា ឆ្នាំ២០១៩។
ជាលើកទី១មិនធ្លាប់មានពីមុនមក តុក្កតានាំសំណាងឈ្មោះថា AMY របស់ Vietjet នឹងផ្តល់ឲ្យអ្នកដំណើរនូវបទពិសោធនៃការហោះហើរនារដូវក្តៅដ៏ពិសេសមួយ ក្នុងប្រទេសនានា ទូទាំងអាស៊ី ក្នុងនោះរាប់បញ្ចូលទាំងកម្ពុជា ជប៉ុន កូរ៉េខាងត្បូង តៃវ៉ាន់ ថៃ សិង្ហបុរី មីយ៉ាន់ម៉ា ម៉ាឡេស៊ី ហុងកុង និងឥណ្ឌូនេស៊ី។ ការផ្តល់ជូននេះ នឹងធ្វើឡើងក្នុងព្រឹត្តិការណ៍មួយក្នុងចំណោមព្រឹត្តិការណ៍ដ៏ធំបំផុតរបស់ក្រុមហ៊ុនអាកាសចរណ៍មួយនេះ រួមជាមួយនឹងសកម្មភាពកម្សាន្តជាបន្តបន្ទប់ជាច្រើន ដែលមានតែនៅលើយន្តហោះរបស់ Vietjet។
ក្រុមហ៊ុន Vietjet ក៏នឹងស្នើឲ្យអ្នកដំណើរស្លៀកសម្លៀកបំពាក់ជាតួថ្លុក (Cosplay) ផងដែរ នៅពេលដែលធ្វើដំណើរនៅលើយន្តហោះ Vietjet ចាប់ពីថ្ងៃទី១ ខែមិថុនា ដល់ទី៣១ ខែកក្កដា ឆ្នាំ២០១៩ ដើម្បីទទួលបានកាដូពិសេសមួយ។ Vietjet ក៏នឹងអញ្ជើញឲ្យអ្នកដំណើររបស់ខ្លួន ចូលរួមក្នុងកម្មវិធីព្យុហយាត្រាដ៏ពិសេសមួយ ដែលនឹងត្រូវរៀបចំឡើងក្នុងទីក្រុង Da Nang នាថ្ងៃទី២៩ ខែកក្កដា ឆ្នាំ២០១៩ ផងដែរ។
ដើម្បីទទួលបានការផ្តល់ជូនសំបុត្រហោះហើរមានតម្លៃ ០ ដុល្លារអំឡុងពេលនៃយុទ្ធនាការ «ផ្សារភ្ជាប់ក្តីស្រឡាញ់-បង្ហាញពីការប្រែថ្មីនារដូវក្តៅរបស់អ្នក» មួយនេះ អតិថិជនទាំងអស់ អាចរកជាវបានក្នុងកម្មវិធីប្រមូសិនប្រចាំថ្ងៃឈ្មោះថា «ម៉ោង១២ថ្ងៃត្រង់ វាដល់ពេលហើយសម្រាប់ Vietjet!» ដោយមានការផ្តល់ជូនសំបុត្រហោះហើរមានតម្លៃចាប់ពី 0 ដុល្លារ រាប់លានសន្លឹក នៅលើគេហទំព័រ www.vietjetair.com។ សំបុត្រក្នុងប្រមូសិននេះ អាចរកជាវបានសម្រាប់ទាំងផ្លូវហោះហើរក្នុងស្រុក និងអន្តរជាតិ។ មិនថា លោកអ្នកទៅទីណាក៏ដោយ អ្នកដំណើរទាំងអស់ នឹងទទួលបានសកម្មភាពកម្សាន្តដ៏ពិសេសនៅលើយន្តហោះរបស់ Vietjet អំឡុងពេលនៃរដូវក្តៅនេះ។
ដើម្បីចាប់ផ្តើមកម្មវិធីជប់លៀងនារដូវក្តៅនេះ ក្រុមហ៊ុន Vietjet នឹងផ្តល់ជូនសំបុត្រហោះហើរបែបសន្សំសំចៃដ៏អស្ចារ្យចំនួន៨០០ ០០០សន្លឹកបន្ថែមទៀត សម្រាប់ថ្ងៃមាសចំនួន៣ថ្ងៃ ចាប់ពីថ្ងៃទី២២ ដល់ទី២៤ ខែឧសភា។ សំបុត្រក្នុងប្រមូសិននេះ នឹងដាក់លក់ចាប់ពីម៉ោង១២ថ្ងៃត្រង់ រហូតដល់ម៉ោង២រៀល (GMT+7) សម្រាប់រាល់ផ្លូវហោះហើរក្នុងស្រុកទាំងអស់ ក្នុងប្រទេសវៀតណាម។ អំឡុងពេលនៃការធ្វើដំណើរសម្រាប់ប្រមូសិននេះ គឺចាប់ពីថ្ងៃទី២៣ ខែកក្កដា ឆ្នាំ២០១៩ ដល់ថ្ងៃទី៣១ ខែធ្នូ ឆ្នាំ២០១៩។
រាល់សំបុត្រក្នុងប្រមូសិនទាំងអស់ អាចរកជាវបានតាមរយៈគេហទំព័រលក់សំបុត្រផ្លូវការលើអនឡាញរបស់ក្រុមហ៊ុនអាកាសចរណ៍មួយនេះ គឺ www.vietjetair.com (លោកអ្នកក៏អាចចូលទៅកាន់ https://m.vietjetair.com តាមរយៈទូរស័ព្ទដៃផងដែរ) និងតាមរយៈ https://www.facebook.com/vietjetglobal/ (ដោយគ្រាន់តែចុចទៅលើប្រអប់ «Booking»)។ ការទូទាត់ អាចធ្វើឡើងដោយងាយស្រួលជាមួយនឹងកាតឥណទាន និងឥណពន្ធអន្តរជាតិ ក្នុងនោះរាប់បញ្ចូលទាំង Visa/ MasterCard/ AMEX/ JCB/ KCP/Union ឬទំនាក់ទំនងផ្នែកព័ត៌មាន៖ Ms. Kieu Duong (Amy) អ៊ីម៉ែល: [email protected],លេខទូរស័ព្ទ៖ +84 932 775 066 ៕
