(ភ្នំពេញ)៖ យុទ្ធនាការប្រយុទ្ធប្រឆាំងគ្រឿងញៀនខុសច្បាប់ទូទាំងប្រទេស សម្រាប់ថ្ងៃទី០៩ ខែមេសា ឆ្នាំ២០១៩នេះ បានបង្ហាញថា កម្លាំងសមត្ថកិច្ចបានបង្ក្រាប ចំនួន២១ករណី ក្នុងនោះ មានករណីប្រើប្រាស់២ករណី និងជួញដូរ១៩ករណី ឃាត់ខ្លួនជនសង្ស័យចំនួន៤៦នាក់។
របាយការណ៍ បានឲ្យដឹងថា លទ្ធផលអនុវត្តច្បាប់ពីថ្ងៃទី១ ខែមករា ដល់ថ្ងៃទី៩ ខែមេសា ឆ្នាំ២០១៩ កម្លាំងសមត្ថកិច្ចបានបង្ក្រាបចំនួន ២,១៨៧ករណី ឃាត់មនុស្ស ៤,៧៣៥នាក់ (ស្រី ៣៨៨នាក់) ក្នុងនោះមានជនបរទេស១២១នាក់ផងដែរ៕
