(ភ្នំពេញ)៖ ក្រុមហ៊ុន NagaCorp Ltd បានប្រកាសឲ្យដឹងថា ខ្លួននឹងវិនិយោគនូវទឹកប្រាក់ប្រមាណ៤ពាន់លានដុល្លារ ដើម្បីសាងសង់សណ្ឋាគារ និងកាស៊ីណូ Naga World 3 ដើម្បីពង្រីកអាជីវកម្មរបស់ខ្លួន នៅក្នុងរាជធានីភ្នំពេញ។ នេះបើយោងតាមសេចក្តីប្រកាស ដែលបណ្តាញព័ត៌មាន Fresh News ទទួលបាននៅថ្ងៃទី០៨ ខែមេសា ឆ្នាំ២០១៩នេះ។

សេចក្តីប្រកាសរបស់ NagaCorp Ltd ដដែលបានបញ្ជាក់ថា ក្រុមហ៊ុនអចលទ្រព្យដ៏ធំមួយ នៅហុងកុងឈ្មោះថា Colliers International Hong Kong ត្រូវបានតែងតាំង ជាអ្នកវាយតំលៃអចលទ្រព្យរបស់ក្រុមហ៊ុន NagaCorp ដែលត្រូវបានប៉ាន់ប្រមាណចំនួនទឹកប្រាក់ វិនិយោគរហូតដល់ទៅ៤ពាន់លានដុល្លារ ដើម្បីសាងសង់រមណីយដ្ឋានសម្រស់ដ៏ធំមួយ នៅរាជធានីភ្នំពេញដែលមានឈ្មោះថា ណាហ្គា ៣ ដែលមានអាគារ ៦៦ ជាន់ចំនួន២ និងអាគារបីផ្សេងទៀត ដែលមានកំពស់៥៥ជាន់។

គម្រោងដ៏សម្បើមដែលមានអគារចំនួន៥ បន្ទប់សណ្ឋាគារចំនួន៤,៧២០បន្ទប់ ជាការប្តេជ្ញាចិត្តដ៏មុតមាំ ក្នុងការវិនិយោគទុន នៅក្នុងសេដ្ឋកិច្ចនៃប្រទេសកម្ពុជា។

គម្រោងសាងសង់ណាហ្គា ៣ (Naga3) នៅពេលបញ្ចប់ នឹងមានមោទនភាពខ្លាំង ដោយការសាងសង់លើផ្ទៃដីដែលមានទំហំស្ទើរតែទំហំប៉ុន Marina Bay Sands។គម្រោងនេះនឹងបង្កើតតំបន់មិនមែនល្បែង ដែលជាគម្រោងមួយ ដែលនឹងជួយជំរុញវិស័យទេសចរណ៍នៅក្នុងប្រទេស ដែលនៅតែបន្តទទួលបានកំណើន ដោយសារតែការកើនឡើងនៃការធ្វើទស្សនកិច្ច នៅបរទេសជាពិសេសទេសចរណ៍ចិន ដែលបានកើនឡើង៦៧% ក្នុងមួយឆ្នាំ២០១៨ ធៀបនឹងឆ្នាំ ២០១៧។

លោក Chen Lip Keong ស្ថាបនិករបស់ NagaCorp Ltd បានថ្លែងថា «ប្រាក់ដែលរកបានមកពីសង្គម ត្រូវតែត្រឡប់ទៅរកការវិនិយោគនៅក្នុងសង្គមវិញ»។

លោក Chen Lip Keong ដែលជាមហាសេដ្ឋីម៉ាឡេស៊ី មានប្រាក់ពាន់លានដុល្លារ (ប្រហែល៥ពាន់លានដុល្លារ ដែលត្រូវបានប៉ាន់ប្រមាណដោយ Forbes 2019) ធ្លាប់បានលើកឡើងក្នុងឱកាសបើកដំណើរការ ណាហ្គា ២ កាលពីខែវិច្ឆិកាឆ្នាំ ២០១៧ ថា «NagaCorp បានប្តេជ្ញាចិត្តចំពោះកម្ពុជា និងមានទំនុកចិត្តយ៉ាងខ្លាំង ចំពោះការបន្តមានកំណើនយ៉ាងល្អ ទាំងផ្នែកយោបាយនិងសេដ្ឋកិច្ច នៃប្រទេសកម្ពុជា។ ភាពរុងរឿងរបស់ប្រទេសកម្ពុជា គឺជាភាពរុងរឿងរបស់ NagaCorp ។ លុយដែលរកបានមកពីសង្គម ត្រូវតែវិនិយោគជាថ្មីនៅក្នុងសង្គម» ។

លោក Philip Lee អនុប្រធានក្រុមហ៊ុន NagaCorp បានលើកឡើងថា «NagaCorp បាននាំមុខ និងក្លាយជាអ្នកបង់ពន្ធដ៏ធំបំផុតនៅក្នុងប្រទេស។ យើងនាំមុខម្តងទៀត ដើម្បីបង្ហាញវិនិយោគិន អំពីរបៀបដើម្បីជួយប្រទេសម្ចាស់ផ្ទះដោយ
ការវិនិយោគឡើងវិញ នូវប្រាក់បំរុងរបស់ខ្លួនត្រឡប់ ទៅប្រទេសកម្ពុជាវិញ»។

លោក Philip Lee បន្តថា «ក្រុមហ៊ុនរបស់យើងបានប្រកាសភាគលាភលើសពី១ពាន់លានដុល្លារ។ NagaCorp មិនបានបញ្ជាក់បរិមាណកំណត់ នៃការចំណាយអភិវឌ្ឍន៍របស់គម្រោងណាហ្គា៣ ទេ។ តែប្រសិនបើបរិមាណទឹកប្រាក់ចំនួន៤ពាន់លានដុល្លារ នោះចំនួនទឹកប្រាក់នេះ ត្រូវតំណាងឱ្យចំនួនបួនភាគ នៃចំនួនភាគលាភដែលប្រកាសដោយ NagaCorp ។ យើងវិនិយោគលុយឲ្យត្រូវកន្លែង។ នេះគឺពិតជាការបង្ហាញនូវការគាំទ្រ ទំនុកចិត្តរបស់យើងទៅលើបរិយាកាស សេដ្ឋកិច្ចរបស់ប្រទេសកម្ពុជា» ។

អនុប្រធានក្រុមហ៊ុនរូបនេះនិយាយថា «ណាហ្គា ៣ គឺជាការវិនិយោគវិស័យឯកជនធំបំផុតតែមួយគត់ រហូតមកដល់ពេលនេះនៅក្នុងប្រទេស ហើយអាចជាឆ្នាំបន្តមកទៀត។ វាមានទំហំដូចគ្នាទៅនឹង Marina Bay Sands នៅប្រទេសសឹង្ហបូរី ដែលមានផ្ទៃដីសរុប ៥៨០,0០០ ម៉ែត្រការ៉េ ហើយត្រូវបានបង្កើតឡើងក្នុងតម្លៃ ៥ ពាន់លានដុល្លារនៅឆ្នាំ ២០១០ និងជាកន្លែងកម្សាន្តដែលមានតម្លៃថ្លៃបំផុតនៅលើពិភពលោក» ។

លោកថា ចក្ខុវិស័យរបស់ NagaCorp គឺដើម្បីសាងសង់រមណីយដ្ឋានរួមបញ្ចូលគ្នាដ៏ធំ និងទូលំទូលាយបំផុតនៅលើពិភពលោក រមណីយដ្ឋានមួយជាប់នឹងទន្លេមេគង្គដ៏ស្រស់ស្អាត និងមនោសញ្ចេតនាដែលជាទន្លេដ៏ធំមួយ នៅក្នុងទ្វីបអាស៊ី។

គម្រោងណាហ្គា៣ ត្រូវបានសាងសង់ដើម្បីបំពេញតម្រូវការទេសចរចិន ដែលរំពឹងទុកថានឹងមានចំនួន៥.៥លាននាក់ ដែលត្រូវបានគេរំពឹងថា នឹងមកទស្សនាប្រទេសកម្ពុជានៅឆ្នាំ ២០២៥។

លោក Philip Lee បន្ថែមថា ការអភិវឌ្ឍន៍នេះនឹងនាំមកនូវទំនើបកម្មបន្ថែមទៀត ដល់រាជធានីភ្នំពេញ និងណាហ្គា ៣ ហើយនឹងនាំមកនូវការរីកចម្រើនទៅមុខ និងក្លាយជាកន្លែងសំខាន់មួយទៀតនៅក្នុងរាជធានីភ្នំពេញ។ ក្រៅពីការវិនិយោគដ៏ធំទាំងនេះ ការវិនិយោគរបស់យើង នឹងនាំទៅដល់ការបង្កើតនូវឱកាសការងារចំនួន ១៨,០០០។ នេះមានន័យថា NagaCorp នឹងរួមចំណែកដល់ការអភិវឌ្ឍជំនាញសម្រាប់សណ្ឋាគារ និងវិស័យកម្សាន្ត ព្រមទាំងចំណូលពន្ធដល់រដ្ឋាភិបាល។

លោក Lee បន្តថា គម្រោង ណាហ្គា ៣ នឹងសាងសង់បែបឧទ្យានបច្ចេកវិទ្យាខ្ពស់ក្នុងប្រទេស ដែលមនុស្សពេញវ័យ និងកុមារអាចមកលេង និងរីករាយជាមួយបរិក្ខារ ដែលមានលក្ខណៈគ្រួសារជាច្រើន ព្រោះជាង៩០ភាគរយនៃផ្ទៃដីសាងសង់មានទំហំ ៥,៤៤៤,០០០ម៉ែត្រការ៉េ នឹងត្រូវសាងសង់ជា តំបន់គ្មានល្បែងហ្គេម ហើយបើកទូលាយដល់ភ្ញៀវ និងក្រុមគ្រួសារ។

លោក Philip Lee បញ្ជាក់ថា គោលដៅរបស់យើង គឺលើកកម្ពស់រាជធានីភ្នំពេញ ជាគោលដៅកិច្ចប្រជុំធំៗ សន្និសីទ និងកន្លែងតាំងពិព័រណ៌ (MICE) ដែលមានគុណភាពខ្ពស់។ កាស៊ីណូណាហ្គា ៣ នឹងមានមោទនភាពនៃការជិះខ្សែរ៉ូប ដែលជាខ្សែភាពយន្តដំបូងគេបង្អស់ នៅក្នុងតំបន់ហើយនឹងក្លាយជាកន្លែងទាក់ទាញដ៏សំខាន់មួយ សម្រាប់អ្នកទេសចរ។ លើសពីនេះ ទៅទៀត ណាហ្គា ៣ ក៏នឹងផ្តល់នូវហាងលក់ទំនិញមួយ ដែលនឹងផ្តល់ជូននូវផលិតផល ដែលមានគុណភាពខ្ពស់ ដែលទទួលស្គាល់ជាអន្តរជាតិដូចជា Gucci, Christian Dior, Louis Viton និងម៉ាកល្បីផ្សេងទៀត ៕