(ភ្នំពេញ)៖ ក្រុមហ៊ុន Campura Triangulum Corporation បានសហការជាមួយក្រុមហ៊ុន Dell EMC បង្ហាញពីដំណោះស្រាយថ្មីៗ លើវិស័យបច្ចេកវិទ្យា ដែលធ្វើឡើងក្រោមសិក្ខាសាលាមួយស្តីពី “Dell EMC Client Solution & Enterprise Solution Update Session” ។

សិក្ខាសាលានេះ បានធ្វើឡើងនៅព្រឹកថ្ងៃទី០២ ខែមេសា ឆ្នាំ២០១៩នេះ នាភោជនីយដ្ឋាន តូប៉ាស់(Topaz Restaurant) ដោយមានការចូលរួម ពីសំណាក់អតិថិជនយ៉ាងច្រើនកុះករ។

លោក ដោក កុសល Chief Technical Officer (CTO) របស់ក្រុមហ៊ុន Campura បានឲ្យដឹងថា សិក្ខាសាលានេះ គឺផ្តោតលើដំណោះស្រាយផ្នែក CSG, AI, Machine Learning and VxRail Solution ដែលជាផ្នែកមួយដ៏សំខាន់ និងគួរអោយយកចិត្តទុកដាក់ពីសំណាក់ អតិថិជនទាំងឡាយ។

លោកបន្តថា Dell EMC ជាផលិតផលដែលល្អជាងគេ ដែលត្រូវបានទទួលស្គាល់ថា ជាផលិតផល ដែល អាចគ្រប់គ្រង រាល់បចេ្ចកវិទ្យានិងទិន្នន័យ។ ក្នុងនោះដែរ ភាពជាដៃគូររវាង Campura និង Dell EMC បានជួយសំរួលដល់អតិថិជននូវរាល់តម្រូវការជាច្រើន ដើម្បីឈានទៅរកភាពជោគជ័យ នាពេលបច្ចុប្បន្ន និងពេលអនាគត ហើយក្រុមហ៊ុន Campura ពិតជាមានមោទនភាពជាខ្លាំង ដែលបានក្លាយជាដៃគូរ ដែលទទួលសិទ្ធិជា Dell EMC Platinum Partner ក្នុងការលក់ផលិតផល Dell EMC នៅក្នុងប្រទេសកម្ពុជា។

ចំណែក លោក ឡេង បូរ៉ាមី នាយកគ្រប់គ្រងផ្នែក Pre-Sales, Enterprise Division តំណាងអោយក្រុមហ៊ុន Campura បានធ្វើបទបង្ហាញ ជូនអតិថិជនអោយស្គាល់កាន់តែច្បាស់ អំពីផលិតផល និង សេវាកម្មរបស់ Dell EMC គឺជាក្រុមហ៊ុន នាំមុខគេក្នុងទីផ្សារដូចជា Dell Latitude, OptiPlex, Workstation, Precision… ហើយក៏មានសន្ទុះយ៉ាងខ្លាំងក្នុងការផ្គត់ផ្គង់រាល់តំរូវការរបស់អតិថិជន និងការវិវឌ្ឍន៍បច្ចេកវិទ្យាថ្មីៗ នាំមកនូវការរចនាដ៍ប្រណិតដែលផ្តល់ភាព ងាយស្រួលបំផុតដល់អ្នកប្រើប្រាស់ ព្រមទាំងមានតម្លៃសមរម្យជូនចំពោះអតិថិជនទៀតផង។

ទន្ទឹមនឹងនោះ លោក Trung Tran ជា Dell EMC System Engineer តំណាងអោយក្រុមហ៊ុន Dell EMC ក៏បានលើកទ្បើងបន្ថែមនូវផលិតផលរបស់ AI, Machine Learning and VxRail ដែលជាបចេ្ចកវិទ្យាថ្មីមួយ ឈានមុខគេបំផុតនៅលើទីផ្សារ ហើយផលិតផលនេះជួយ សម្រួលក្នុងស្ថាប័នរបស់អតិថិជន និង ផ្តល់ឱ្យលោកអ្នកនូវអត្ថប្រយោជន៍ នៃការផ្លាស់ប្តូរនូវព័ត៌មានវិទ្យាទំនើបៗ ក្នុងការស្វែងរកដំណោះស្រាយប្រកបដោយភាពឆាប់រហ័សនាពេលអនាគត។

ក្នុងឱកាសនោះ លោកក៏បានថ្លែងអំណរគុណចំពោះអតិថិជនដែលបានអព្ជើាញចូលរួមជាកិត្តិយសនៅក្នុងសិក្ខាសាលានេះ ដែលអតិថិជននិងទទួលបាននូវចំនេះដឹងថ្មីក្នុងការផ្គត់ផ្គង់បច្ចេកវិទ្យាទំនើបៗរបស់ក្រុមហ៊ុន Dell EMC ដោយបានណែនាំក្នុងការស្វែងយល់ពីរបៀបប្រើប្រាស់ដែលជាដំណោះស្រាយដ៏ល្អបំផុត នឹងជួយបង្កើនអាជីវកម្មអោយកាន់តែរីកចំរើន៕