(បន្ទាយមានជ័យ)៖ ក្រោយពីមានលំនៅដ្ឋានរបស់ប្រជាពលរដ្ឋ ចំនួន២ស្រុក គឺស្រុកមង្គលបូរី និងស្រុកស្វាយចេកជាង ៣០ខ្នង នៅយប់ថ្ងៃទី២៣-២៦ ខែមីនា ឆ្នាំ២០១៩ កម្លាំងកម្លាំងប្រដាប់អាវុធ ក៏ដូចជាអាជ្ញាធរមូលដ្ឋាន បានចុះជួយផ្ទះប្រជាពលរដ្ឋ និងផ្តល់ស័ង្កសី ទៅតាមចំនួន នៃការខូចខាតដោយសារខ្យល់កន្ត្រាក់នេះ។
លោកឧត្តមសេនីយ៍ទោ អាត់ ខែម ស្នងការនគរបាលបន្ទាយមានជ័យ បានឲ្យដឹងថា ទំហំ នៃការខូចខាតផ្ទះរបស់ប្រជាពលរដ្ឋ ដោយសារខ្យល់កន្ត្រាក់ ដែលកើតឡើង ផ្ទះប្រជាពលរដ្ឋ នៅភូមិអូរណ្តូងកណ្តាល និងភូមិអូរ អណ្តូងកើត ឃុំបន្ទាយនាង ស្រុកមង្គលបុរី ចំនួន២០ខ្នង របើកដំបូង ជញ្ជាំង ស្រុកស្វាយចេក ចំនួន១២ខ្នង នៅភូមិថ្មី៨ខ្នង ភូមិស្លែង ៣ខ្នងក្នុងនោះ សាលាឆាន់ វត្តថ្មី ១ខ្នង របើកដំបូលទាំងស្រុងចំនួន៧ខ្នង សរុបទាំង២ស្រុក មានផ្ទះប្រជាពលរដ្ឋចំនួន៣២ខ្នងខូចខាត សាលាឆាន់១ខ្នង របើកដំបូលទាំងស្រុង៧ខ្នង ។
លោកឧត្តមសេនីយ៍ស្នងការ បានបន្តថា ក្រោយពីមានហេតុគ្រោះថ្នាក់ធម្មជាតិខ្សល់កន្ត្រាក់ បង្កឲ្យខូចខាតផ្ទះប្រជាពលរដ្ឋនេះ នាយឧត្តមសេនីយ៍ ឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ជាប្រធានក្រុមការងារថ្នាក់ជាតិ ចុះជួយខេត្តបន្ទាយមានជ័យ បានណែនាំដល់មន្ត្រីរាជការកងកម្លាំងប្រដាប់អាវុធ និងអាជ្ញាធរមូលដ្ឋាន ត្រូវចុះជួយធ្វើផ្ទះជូនប្រជាជន និងផ្តល់ស័ង្កសីជូនតាមខ្នងផ្ទះទៅតាមការខូចខាត។
តាមការរៀបរាប់ពីប្រជាពលរដ្ឋ ដែលបានឃើញពីទិដ្ឋភាព នៃខ្យល់កន្ត្រាក់ បងប្អូនប្រជាពលរដ្ឋនៅភូមិថ្មី បានរៀបរាប់ថា មុនដំបូងផ្ទៃមេឃមានសភាពដុំពពកខ្មៅ លាយឡំ និងភ្លៀងធ្លាក់យ៉ាងខ្លាំងផង ដែរ ពេលនោះដំពពកខ្មៅបានកួចផ្ទះរបស់ ប៉ើងដំបូងចេញពីតួផ្ទះធ្វើឲ្យពួកគាត់មានការភ័យខ្លាច តែមិនបង្កឲ្យមានគ្រោះថ្នាក់ មនុស្ស សត្វ ពាហៈរបស់គាត់នោះឡើយ។
ជាមួយគ្នានោះដែរ គាត់ក៏មានសប្បាយចិត្តផងដែរ ទន្ទឹមនឹងការខូចខាតផ្ទះ ក៏មានកងកម្លាំងប្រដាប់អាវុធ អាជ្ញាធរមូលដ្ឋាន បានជួយផ្តល់ជាស័ង្កសី ដែលជាអំណោយរបស់នាយឧត្តមសេនីយ៍ ឧបយាករដ្ឋមន្ត្រី កែ គឹមយ៉ាន ដែលតែងយកចិត្តទុកដាក់ ដល់ប្រជាពលរដ្ឋ ក្នុងខេត្តដែលជួបការលំបាក។
ដូចថ្ងៃនេះ គាត់រងគ្រោះដោយគ្រោះធម្មជាតិ គឺបានកងកម្លាំង និងអាជ្ញាធរមកជួយធ្វើផ្ទះរបស់គាត់ផងដែរ៕
