(ឧត្ដរមានជ័យ)៖ បាតុភូតខ្យល់កន្ទា្រក់លាយឡំជាមួយរន្ទះ បានបំផ្លាញផ្ទះប្រជាពលរដ្ឋ២ភូមិចំនួន១០ខ្នង ហើយរន្ទះបានបាញ់បណ្តាលឲ្យរបួសមនុស្សម្នាក់ និងខូចខាតផលដំណាំរបស់ប្រជាពលរដ្ឋជាច្រើនផងដែរ ស្ថិតនៅភូមិវល្លិ៍យាវ និងប្រាក្របី ស្រុកបន្ទាយអំពិល ខេត្តឧត្តរមានជ័យ នាថ្ងៃទី២៣ ខែសីហា ឆ្នាំ២០១៧។
សមត្ថកិច្ចមូលដ្ឋានបានថ្លែងប្រាប់ភ្នាក់ងារ Fresh News ប្រចាំខេត្តឧត្តរមានជ័យ នៅថ្ងៃទី២៤ ខែសីហា ឆ្នាំ២០១៧នេះ ឲ្យដឹងថា ខ្យល់កន្ត្រាក់ពីព្រលប់ម្សិលមិញនៅ ភូមិវល្លិ៍យាវចំនួន៦ខ្នង របើកដំបូលផ្ទះចំនួន៥ខ្នង ដួលទាំងស្រុងចំនួន១ខ្នង, និងភូមិប្រាសាបីមាន៤ខ្នង របើកដំបូលគ្មានសល់។ ភូមិវល្លិ៍យាវទី១៖ ឈ្មោះ ស៊ូន សាយ អាយុ២៧ឆ្នាំ ផ្ទះទំហំ៤ម៉ែត្រ គុណ៧ម៉ែត្រ ដួលទាំងស្រុង, ទី២៖ ឈ្មោះ សំាង វ៉ាន់ថៃ អាយុ២៤ឆ្នាំ ផ្ទះទំហំ៧ម៉ែត្រ គុណ៨ម៉ែត្រ របើកដំបូលស័ង្កសីចំនួន១០សន្លឹក, ទី៣៖ ឈ្មោះ ឈិន សឿង អាយុ៥៩ឆ្នាំ ផ្ទះទំហំ៧ម៉ែត្រ គុណ៨ម៉ែត្រ របើកដំបូលស័ង្កសីចំនួន១០សន្លឹក,ទី៤៖ ឈ្មោះ ប៉ាប ភាក់ អាយុ២៨ឆ្នាំ ផ្ទះទំហំ៥ម៉ែត្រ គុណ១០ម៉ែត្រ របើកដំបូលស័ង្កសីចំនួន៨សន្លឹក, ទី៥ឈ្មោះ ឡុង សាវឿន អាយុ៥៨ឆ្នាំ តូបទំហំ៣ម៉ែត្រ គុណ៤ម៉ែត្រ របើកដំបូលចំនួន៧សន្លឹក, ទី៦៖ ឈ្មោះ ស្វាន់ ញៀ អាយុ៦៨ឆ្នាំ ផ្ទះទំហំ៥ម៉ែត្រ គុណ៥ម៉ែត្រ របើកដំបូលស័ង្កសីចំនួន១០សន្លឹក។
ភូមិប្រាសាបី មាន៤ខ្នងផ្ទះ ទី១៖ ឈ្មោះ ពេក សាម៉េត អាយុ៤០ឆ្នាំ ផ្ទះទំហំ៧ម៉ែត្រ គុណ៩ម៉ែត្រ របើកដំបូលស័ង្កសីចំនួន១៨សន្លឹក, ទី២៖ ឈ្មោះ អ៊ីត អឿន អាយុ៣២ឆ្នាំ ផ្ទះទំហំ៧ម៉ែត្រ គុណ៨ម៉ែត្រ របើកដំបូលស័ង្កសីចំនួន៥សន្លឹក, ទី៣៖ ឈ្មោះ យ៉ាត សុភាក់ អាយុ៣១ឆ្នាំ ផ្ទះទំហំ៥ម៉ែត្រ គុណ៦ម៉ែត្រ របើកដំបូលស័ង្កសីចំនួន៥សន្លឹក, ទី៤៖ ឈ្មោះ នុច ណាក់ អាយុ៣០ឆ្នាំ របើកបន្ទប់ទឹកទាំងស្រុង។
សមត្ថកិច្ចដដែលបានបន្តថា ចំណែកជនរងគ្រោះដោយសាររន្ទះបាញ់ ក្នុងករណីគ្រោះថ្នាក់ធម្មជាតិនេះមាន ឈ្មោះ ឆៃ ភួន ភេទស្រី អាយុ៦៣ឆ្នាំ រស់នៅភូមិទំនប់ចាស់ ឃុំបេងបណ្តាយឲ្យដួលសន្លប់មួយសន្ទុះក្រោយមកទើបដឹងខ្លួនឡើងវិញ៕
