(ភ្នំពេញ)៖​ ក្រុមបាល់ទាត់ជម្រេីសជាតិយុវជនអាយុក្រោម​ ២២ឆ្នាំកម្ពុជា​ នឹងត្រូវតតាំងទល់នឹងក្រុមការពារតំណែងជេីងឯក​ U22 ថៃនៃពានរង្វាន់អាស៊ាន​ AFF U22 Championship 2019 វគ្គពាក់កណ្តាលផ្តាច់ព្រ័ត្រ​ ដែលមានកម្ពុជាធ្វេីម្ចាស់ផ្ទះ។

ការប្រកួតដែលនឹងចាប់ផ្តេីមនៅម៉ោង​ ៦៖៣០នាទីល្ងាចថ្ងៃអាទិត្យ​ ទី២៤​ ខែកុម្ភះ​ ឆ្នាំ២០១៩​ នេះនៅពហុកីឡដ្ឋានជាតិអូឡាំពិក​ ក្រោមតម្លៃសំបុត្រចូលទស្សនា​ ១០០០០រៀល​ និង​ ៥០០០រៀល​ ក្នុងនាមកម្ពុជា​ ជាក្រុមលេខ១ចេញពីពូល​ B ដែលត្រូវប្រកួតខ្វែងពូល​ U22 ថៃដែលបញ្ចប់ទៅដោយចំណាត់ថ្នាក់លេខ២​ នៃពូល​ A។

យ៉ាងណាមិញ​ ក្រុម​ U22 វៀតណាម​ ត្រូវប៉ះ​ U22 ឥណ្ឌូនេស៊ីនៅស្តាតអូឡាំពិកដូចគ្នានាម៉ោង​ ៣៖៣០នាទីរសៀលក្នុងវគ្គ៤ក្រុមដូចគ្នា៕