(ភ្នំពេញ)៖​ ក្រុមបាល់ទាត់ជម្រេីសជាតិយុវជនអាយុក្រោម​ ២២ឆ្នាំកម្ពុជា​ បានប្រកួតចាញ់​ក្រុមភ្ញៀវ​ U22 ឥណ្ឌូនេស៊ី​ ០-២​ ក្នុងការប្រកួតបញ្ចប់វគ្គសន្សំពិន្ទុនៃពូល​ B នៃពានរង្វាន់អាស៊ាន​ AFF U22 Championship 2019 ដែលមានកម្ពុជាធ្វេីម្ចាស់ផ្ទះ

កម្ពុជា​ បានរបូត១គ្រាប់នៅនាទីទី១៩​ មុនបន្តរបូតគ្រាប់ទី២ទៀតនៅនាទីទី៨២ចុងម៉ោង​ ក្នុងការប្រកួតលេីកទី៣បញ្ចប់វគ្គសន្សំពិន្ទុនៃពូល​ B តែក្រុមទាំងពីរបានឡេីងទៅវគ្គពាក់កណ្តាលផ្តាច់ព្រ័ត្រដូចគ្នា

តាមរយ:លទ្ធផលនេះ​ កម្ពុជាឈរនៅលេខ១​ ក្នុងពូល​ B ដែលត្រូវប៉ះ​ U22 ថៃ​ ដែលឈរលេខ២​ ក្នុងពូល​ A ខណ:ក្រុម​ U22 ឥណ្ឌូនេស៊ីដែលឈរលេខ២​ ពូល​ B ត្រូវប៉ះលេខ១​ នៃពូល​ A គឺក្រុម​ U22 វៀតណាម​ ដែលធ្វេីឡេីងនៅថ្ងៃទី២៤​ ខែកុម្ភះ​ ឆ្នាំ២០១៩​ ដូចគ្នា៕